Versets bíblics populars de Ekesodu 10

Comparteix

Tsô TER kaa a Mose er: Za hen Farao, gadia Mo M cighir un ishima kua asema a mbatomov nav kpaa sha u Me er uivande Av mban hen atô ve yô; man shi sha u, ú ôr sha ato a wan wou man wan u wan wou kpaa, akaa a M er Mbaigipiti, man uivande Av mba M er hen a ve, sha er ne̱ fa er Mo M lu TER yô.

Tsô TER kaa a Mose er: Naregh uwegh ough Sha, sha er ime i̱ wa ken tar u Igipiti, imbaime i ia wa je á bende i ave yô. Mose naregh uwegh nagh Sha, nahan angôghime wa ken tar u Igipiti cii, ayange atar; ve nengen a ayol a ve ga, ma or kpa moughon henpe nan lu la ga zan zan ayange atar je; kpa Mbaiserael cii yô, iwanger lu ken ajiir a ve a teman la.

Tsô Mose naregh gbough nagh sha tar u Igipiti; nahan TER er ahumbe a sha ityoughkitaregh shi van ken tar la didi, tsa tugh kaka kpaa; sev mbu aven yô, ahumbe a sha ityoughkitaregh va a ikomon. Ikomon la samber sha tar u Igipiti cii, haa ken tar u Igipiti ci ca cii, ngee je zua ga; mayange je ikomon lu a vande van er ingila nahan ga, man mayange imbaikomon la ia kera va kpaa ga.