Versets bíblics populars de 2 KORIN 5

Comparteix

Diko i God u hariki na tangaloi lui Kraes, u vai na tangaloi hi u mulemai kina tangaloi karagwa. A doridori tuai lo nona tokaana u rovo tiua, a nona tokaana u mulemai kina tokaana karagwa vohoki.

I Kraes a nona hatiana tikei. Vae huri kwara i God ne vakahikikita mo vai lakwai Kraes hokinia kwara aia u vai na hatiana nona tangaloi savia. I God u vai kwehi kwara ne vaikita hinea tau hariki lui Kraes tana mulemai ki tangaloi bakoto kina bakotoana noi God.

Vae lo nomai tokaana ngwasara kehe tagai na Hugwe tea kina mata na tarabehi, vae keu tagaia kina nomai hauhuriana kehekeheki.

A kinau aira vano hi i God sibona aia u vaira. U vai na hala lui Kraes kwara kena hatu kwareki a tavaluivuro noi God taliku, vae kena kwareki a nona buluana. Vake u tiraki na boloki hikani tilo kabamai kwara kena revei na tangaloi dolua vake, rana kwareki a nona buluana. A leo hi nomo vitia a domianaki aia hini kwara i God u vai na hala lui Kraes kwara ne lavi na tangaloi savia lo varamana rana kwareki a nona buluana. Vae hikani i God he ulibibi na bukuga tea hini lo noga hatiana rusa. Vunu mo bete na leo hini lakwakami kwara kena viti kwara i God u vai na hala ba, kwara a tangaloi savia rana vai lai kwara rana kwareki a nona buluana.

Huri na kinau hini, i kami a kaikwali na leo noi Kraes. Hokinia i God u lalahikami kwara ne kwarekamu. Lo hina i Kraes keu viti lakwakamu kwara, “Tulu hatu tavalui vuro mai God, vae tulu tirakinia ne vaikamu tulu ne mulemai ki nona buluana.”

U mate kwara ne vakahiki na tangaloi savia, huri kwara vae aira hinea rau ahi maia, ranahe toka tea kwara rana boloki noga siboga, vae rana toka kwara rana boloki nona kehekeheki hinea mo mate, vae u ahi taliku kwara ne vakahikinira. Vae u tinakaki hikani kehe taga kikilaki na tangaloi tea kina domidomi nona tangaloi kehekeheki. Kareaki tuai lolona i Kraes aia a tangaloi na varamana, i kami kwara keu taga kikilakinia kina domidomi na tangaloi, vae hikani kehe tagaia te kwehi taliku.

Keu vai hokinia hi huri i Kraes* u lagwa haburu maikami, vae a nona lagwaana hi u kwiribibikami kwara kena boloki nona. Keu kikilai tabetabeki kwara aia hi katukwale vohoki mo mate huri na tangaloi savia. Vae huri hi a domianaki kwara a tangaloi savia hokinia rau mate.