Versets bíblics populars de 2 KORIN 4

Comparteix

A domimai he tu tea lo kinau hinea tau tagaira kina matada, vae lo kinau hinea tahe tagaira tea. A havakinau hinea tau tagaira kina matada, rau eno he tuai tea, vae a havakinau hinea tahe tagaira tea, rau eno vaki tuai.

Vae huri na kinau aira vano hi, lo nomai rongoana hati a domimai he sovi tea. Venaha diko a tarabehimai rau tuku ngwarasea, vae a tanungwemai u tuku karagwa tigwaravu vataha na rani. A rongoana hati vano hi ramo kihikami, rau kwaririgi vohoki, vake ranahe eno lai tea kwara ne tuai. Vae vaki takuni ne karea haburu lakwakami, vunu vake ne vaikami kena rarai kwara kena bulu lo mauriana noi God aia hinea nehe rovo lai tea.

Vakarusa keu rongo hati, vae a domimai he sovi te vohoki. Taroki tuaki keu domi kairua, vae a domimai he sala te vohoki. A nomai tavaluivuro u rusa, rau tuku vai bulakikikami, vae a nomai buluana he tikei tea. Lo taroki tuaki rau kwohi haburukikami, vae kehe mate te halaradu.

I kami hinea keu hagovi na kinau karekarea na Tanungwe noi God, i kami hoki na laha tano kwara ne matangwasara kwara a huirana lakua lengalenga hi, aia a noi God, hetea nomai.

Rahe hauhuri tea huri i Setano*, a tangaloi hati hinea u hugwe koro na varamana hika, aia u kwiribibi na domiga lolo dodoki. U vai korora kwara rana hatu tagai na vavarama hi mo kwaka tiluga. A vavarama hi u vanamai tina Roro Karea huri na huirana lakua noi Kraes*, vae i Kraes aia a nunu i God bakotoki.

I God hinea u viti ba kwara, “Lolo dodoki a vavarama u kwaka tivarea,” aia hi vohoki u vai na nona leleha u vavarama tivarea mo kwaka tilumai. A nona vavarama hi u vaikami kemo kikilai na huirana lakua lengalenga noi God, aia hi kemo tagaia u kwaka lo nako i Kraes.