Versets bíblics populars de Romafɔ 6

Comparteix

Tsufɛ lakpanbwɛ ɩkɔka gyi lowu, tamɛ Bulu atokiehɛ gyi nkpa ánɩ́ ɩtamata. Mʋ́ ɔlɔpʋgyi anɩ bʋalɛ tsʋn anɩa anɩ Wie Kristo Yesu ɩkʋlɛbwɛsʋ nɩ.

Ɩma alɛá lakpan ɔbɛ́tra gyi mlɩsʋ, tsufɛ sei mlɩtra mlɩmá Mose Mbla amʋ asɩ. Bulu awɩtɔlɛ asɩ mboun mlɩbʋ.

bopula anɩ, tsufɛ anɩa mʋnyɔ anɩlabwɛ kʋlɛ. Mʋ́ sʋ alɩ amʋʋ anɩ Sɩ Onumnyampʋ amʋ lɔkʋsʋa mʋ tsu afulitɔ amʋ a, alɩ kɛn anɩ ɛ abétsia itsia pɔpwɛtɔ nɩ.

Mlɩmápʋ mlɩ nyankpʋsa-oyi ɩwɩ atɔ ha lalahɛbwɛ. Mboun mlɩpʋ mlɩ ɩwɩ fɛ́ɛ́ ha Bulu, fɛ aha ánɩ́ alakʋsʋa amʋ́ tsu afulitɔ ba nkpatɔ, ɔpʋ mlɩ bwɛ tɔá ɩda ɔkpa.

Mlɩbɩá brɛá bɛda Yesu manta oyikpalihɛ amʋsʋ a, mʋa anɩ tsiatɔ dada amʋ lowu, mɛnɩ anɩmɛ́ɛtra bwɛ lakpan nkpábi.

Mlɩ ɛ mlɩkɩ mlɩ ɩwɩ ánɩ́ mlɩlawu ha lakpan, amlɩlɛ mlɩ ɩwɩ lɛ mʋ́ tumi asɩ. Mlɩtsia nkpa ha Bulu, tsufɛ mlɩa Kristo Yesunyɔ mlɩlabwɛ kʋlɛ.

Nkalɩ abɛ́blɩ sei? Ilehian ánɩ́ abɔ́yɔ anɩ lakpanbwɛsʋ, mɛnɩ Bulu awɩtɔlɛ bómoni tsɩa? Ɛkɛkɛɛkɛ! Igyi fɛ anɩlawu. Mʋ́ sʋ lakpan ma tumi anɩsʋ. Ntogyi sʋ abɛ́tra tsia bwɛ lakpan?

Mlɩmeyin ánɩ́ nɩ mlɛba ɩwɩasɩ ha tɔkʋ, mlɩdɛ mʋ́ apɛ bwɛ, mlɩdɛ mʋ́ sum fɛ mlɩ wie a, mlɩlabwɛ mʋ́ nkpábi? Nɩ mlɛba ɩwɩasɩ ha lakpan a, mʋmʋ mlówu, tamɛ nɩ mlɛba ɩwɩasɩ ha Bulu a, mlégyi asʋ mʋ ansɩtɔ.

Mlɩlɔbwɛ nkpábi ha lakpan brɛ kʋtɔ. Sei a, mlɩlapʋ mlɩ klʋn fɛ́ɛ́ hɔ atosunahɛ amʋʋ bapʋha mlɩ amʋ, mlɩdɛ mʋ́sʋ gyi. Mʋ́ sʋ ndɛ Bulu ɩpan da. Bulu laha mlɩlagyi ɩwɩ lɛ lakpan ɩbɩtɔ, mlɩlabwɛ nkpábi ha yilebwɛ.