Versets bíblics populars de Romafɔ 4

Comparteix

Ɩnɩ fɛ́ɛ́ ɔma a, omegyi nwɛn ɔbɛɛ, ɩtɔ amʋʋ Bulu lɛhɩɛ mʋ amʋ ɩmɛ́ɛba mʋ́tɔ. Mboun ɔlɛkɩta mʋ hogyitɔ kinkiinkin, ɔlɛkanfʋ Bulu mʋ́ sʋ. Tsufɛ ɔhɩɛ oyin ánɩ́ Bulu ɔbɛ́talɩ bwɛ ɩtɔ amʋʋ alahɩɛ ha mʋ amʋ.

Fɛ alɩ amʋʋ Bulu asʋn wanlɩnhɛ amʋ ɩlɛblɩ ɔbɛɛ, “Napʋ fʋ bwɛ ɔmá tsɔtsɔɔtsɔ ɔsɩ amʋ. Abraham gyi anɩ fɛ́ɛ́ ɔsɩ Bulu ansɩtɔ.” Tsufɛ olohogyiá Bulu tɛha awupʋ nkpa, ɔtɛha tɔá ɩma ɩnʋ yaɩ ɩtɛba mʋ́tɔ fɛ tɔá ɩbʋ ɩnʋ yaɩ.

Anɩ lakpan sʋ Bulu lɛha bɛlɛ mʋ ha bɔmɔ mʋ. Bulu lɔkʋsʋa mʋ tsu afulitɔ, mɛnɩ obótsu anɩ ɛ ánɩ́ anɩ asʋn da ɔkpa.

Brɛá tɔtɔ ma ɩnʋá Abraham ɔbɔ́pʋ mʋ ansɩ dɩnka mʋ́sʋ a, ɔlɔhɔ Bulu gyi ánɩ́ ɔbɔ́bwɛ mʋ ɔmá tsɔtsɔɔtsɔ ɔsɩ alɩ amʋʋ ɔlɛblɩ yaɩ amʋ. Bulu lɛbla mʋ ɔbɛɛ, “Fʋ abi-aná bɛ́klɛɩ fɛ ntsrakpabi.”

Mʋ́ alɩ sʋ ɩna hogyisʋ aha bɛ́talɩ nya atɔá Bulu lɛhɩɛ yaɩ ha amʋ́. Atokiehɛ amʋʋ ɔbɔ́pʋha Abraham abi-aná amʋ ɩbɛ́da amʋ́ ɩbɩ. Megyi aha ánɩ́ bʋtegyi mblasʋ nkʋlɛ bʋ, tamɛ aha ánɩ́ bɔhɔ Bulu gyi fɛ Abraham ɛ. Tsufɛ Abraham gyi anɩ fɛ́ɛ́ ɔsɩ.

“Bulu layula aha ánɩ́ alasi amʋ́ lakpan kie amʋ́, alagyʋra amʋ́! Aha amʋʋ Bulu lasi amʋ́ lakpan kie amʋ́, ɔmɛ́ɛtra kaɩn mʋ́sʋ amʋ bégyi ɔdwɛ!”

Nkalɩ Bulu asʋn wanlɩnhɛ amʋ lɛblɩ? Ɩlɛblɩ ɔbɛɛ, “Abraham lɔhɔ Bulu gyi. Mʋ́ sʋ Bulu lotsu mʋá mʋ asʋn da ɔkpa.”