Versets bíblics populars de Ɓi Rom 1

Comparteix

Laam ŋ supukɗi woo Yegɗohiŋ Muci ; Yegɗohiŋ Muci, weɗ hatiliŋ Kooh, weɗ a na mucɗohe yaa nu kos ɗah, wa camboh ŋ Yawuut ci, ɓi nikɗi Yawuut taammba nga.

Wa na teeɓohe wa ye weɗ kiyurhi puloh ŋ Kooh, te wa jen, wa camboh ŋ kos, wa mirndohha ŋ kos, findi wa fiisohu an : « Yaa nu yurah ɗah, pesohan kosi a kos. »

Ina Adina ferohu poyi, ini minɗi hotu nga ɗe, maanaam hatiliŋ ɗe po faw na kikooh kiŋ ɗe, ɓo' miniɗa inah ŋ in ci Kooh haɓiɗ, ne ɓoyeem liiɓ nga ɗah. Kon, ɓooɓeem raakɗi ali naafkoha

laam ali nik ne ɓa inhiɗ Kooh, ɓa yakiɗɗi ɗe findi Kooh, ɓa corkiɗɗi ɗe ; waaye ɓa muuƴiɗ ŋ liiɓsiɗoh ciŋ ɓa, te liiɓ ciŋ ɓa ñaañaaɗiici na ɓekee ɓa ŋ ñuus tuɗ.

Ɓa na faɗe keeh kiŋ Kooh, ɓa ambee ŋ lee ; te ɓa ñaamkee, ɓa pangkiɗee feruuɗ ci, ɓa sang ñaamuk na pangkiɗ Ferohi, Kooh, yi yakɗaah po faw ! Amiin !

Laam ayrukiŋ Kooh puloh nga ɗe na teeɓohke teeɓohuk, wa keen ŋ ɗafuk ɓooɓi eɗɗi ɗe cir, ɓi yurhaaɗiici, ɓi hondoh keeh ki pul sagu yurhaaɗiikiŋ ɓa.

Tumohaaɗ ceem ceɗ tah, Kooh faɗta ɓa ŋ waaɗ-waaɗ kaci'ɗohiɗ. Ŋ ineem, ɓitiɓ ciŋ ɓa faɗiɗ faankohi moɗoɗi, ɓa faankohee ɓitiɓ na ɓitiɓ. Wa nam mand ɗaa ŋ ƴaar ci, ɓa faɗiɗ faankohi moɗoɗi na ɓitiɓ, ɓa maɗtiɗohee keeh-keeh ŋ harmban ɓa. Ɓa na tume in kaci'ɗohiɗ ŋ harmban ɓa, faankoh ƴaar na ƴaar. Ŋ ineem, ɓa rahsee ŋ haf ɓa wirndi ɓa joy rahas ŋ muuƴi ɓa muuƴ. Ɓa amb ne inah Kooh raakɗi njiriñ, weɗ tah a faɗ ɓa ŋ liiɓohaaɗ raakaaɗi njiriñ, po ɓa tumee in ci nikɗi waas.

Ɓa na toone ñaañ, waaye ɓa topiɗ naand. Joy ne ɓa ñaamuk Kooh, yi Heɗ kiyak, te a minɗi kaan, ɓa ñaamkee nataal ɓo' kaanoh na nataal sel na ɗoopaat heɗ kot nikiis na faskoh.