Versets bíblics populars de I-Roma 9

Comparteix

Isonga sota kaasi nen Apo Shiyos, aliẃen may‐ekan nodta makapiyan so, ono nodta toon kowan to ey idigatan to say si‐katoy mepaboran, no diket olay tos Apo Shiyos no sipay kaasi‐an to.

Mapteng sotan na toka pesing; isonga inkowan to so nen Moises nonta bayag da ey, “Sota piyan kon sesmeken, si‐kato, jet sota piyan kon kaasi‐an, si‐katoy kaasi‐an ko.”

Nem too ka bengat jet eg ka koma onpa‐so ja onsopngil son Apo Shiyos! Say kay‐eshigan to, sota mandeka ni banga. Enshiy mebedin nonta banga ja onsopngil nonta itsora ni inkaleka to. Sota inpasing nonta dimaga so, si‐kato.

Isonga sajay i nemnemen jo, ta sota piyan nen Apo Shiyos ja kaasi‐an, si‐kato; jet sota toon piyan nen Apo Shiyos ja angken ontangken i nemnem ton eg memati, si‐katoy medeka.

Sota emandeka ni banga, ẃara ngo son si‐kato no ngantoy pesing ton memkel nontan na banga. No piyan nonta mandeka ey sota sakey ket, dag‐en ton memapteng ja kay‐iyanan ni sabsabong, si‐katoy pesing to, ono sota sakey ket dag‐en ton para pengi‐janan ni ensekig, si‐kato ngoy pesing to. Ta ẃaray kanebengan ton mandeka ni piyan to.