Versets bíblics populars de Lumàns 8

Lumàns 8:28

Ŋwàklù Fùyèn Kàn Mù Fê (Cameron)

bmv

Ghàhnà khə na à gan nâbi ghə, Yènfù fate kə a jùŋ ha ghɨt a ghe a ghɨ kôŋà wûn, a mô ghɨt ghe a wù toŋa na ghɨna hi nê te wù bakte lema.

Compara

Explorar Lumàns 8:28

Lumàns 8:38-39

Ŋwàklù Fùyèn Kàn Mù Fê (Cameron)

bmv

Mu khə hamok na shyə ale wi hi bè jyàhè ghàhnà a yi kòŋ yì Fùyènì. Kə a mò kəbi yi kpû makə a mò yi chyə̂, makə à mò anjèlsu Fùyènsu makə à mò jyak ghe a ghɨ saka ghɨta, makə à mò gha ghe a ghɨ mô chîn makə à mò ghe a ghɨ mô hi bê gàn, makə à mò jyak wu be, makə à mò mbyî ye a yì mò a nyə̂ makə à mò yê a yì mò a dèt yi chyə, nâ shyə ale wi hi bè jyàhè ghàhnà a yi kòŋ afa a Yènfù chwùte tohne gha afa a Bâba ghàhnà Klistù Jisòs tì ne ha ghàhnà.

Compara

Explorar Lumàns 8:38-39

Lumàns 8:26

Ŋwàklù Fùyèn Kàn Mù Fê (Cameron)

bmv

Yohnà Yulena gàmtèlò kəbi ghàhnà beka ghàhnà bota, khə wijə nâbi lum we a ghɨ kəta hi tè jə̀m atɨ̂n biyani ghɨ jə̂mà a ghàhnà wù lùk wu lum ghɨ bu hi fòktì nì jwo.

Compara

Explorar Lumàns 8:26

Lumàns 8:31

Ŋwàklù Fùyèn Kàn Mù Fê (Cameron)

bmv

Ghàhnà ni mò hi fè jìs nâ na ghə kum gha mɨ ghɨ̂n agha? Yènfù shìki mô nì ghàhnà amok, ma à bê fè no à yə nde ghàhnà agha?

Compara

Explorar Lumàns 8:31

Lumàns 8:1

Ŋwàklù Fùyèn Kàn Mù Fê (Cameron)

bmv

Yi ni chin chwùtè na ghɨt ghe a ghɨ ti bimî ha Klistù Jisòs hì mô ghɨt a wuna bu hi bè fè fen a sak a Yènfù ashyə̂.

Compara

Explorar Lumàns 8:1

Lumàns 8:6

Ŋwàklù Fùyèn Kàn Mù Fê (Cameron)

bmv

Wùt kòŋà gha a njyàsu wùnsu, yi ben nì kpu, biyani ma wù koŋ gha Yohnà, ma yi ni na wù khɨti chyənà ye a yì bè mê wi ma wù fê khɨti yutìnì.

Compara

Explorar Lumàns 8:6

Lumàns 8:37

Ŋwàklù Fùyèn Kàn Mù Fê (Cameron)

bmv

Shyə ale wijə a ghɨ mô hi jyàhè ghàhnà a Klistù yì kòŋ beka ghàhnà ti tum yə kə lum tù jɨ̀m nì jyak a wuna, a mô beka wù kòŋà ghàhnà.

Compara

Explorar Lumàns 8:37

Lumàns 8:18

Ŋwàklù Fùyèn Kàn Mù Fê (Cameron)

bmv

Mu lyè wi na ngək yina a ghàhnà yena chin mò gha yile hi fə̀knà nì ghak ye a Yènfù bè fo ha ghàhnà.

Compara

Explorar Lumàns 8:18

Lumàns 8:35

Ŋwàklù Fùyèn Kàn Mù Fê (Cameron)

bmv

À mò hi jyàhè nâ ghə ghàhnà a Klistù yì kòŋ agha? À ni mò hi jyàhè mù lɨ̀mchuŋ ma, ma a gha te ghɨ ta ma, ma wulu ghàhnà te ghɨ chwoka ma, ma a jiŋ te yì yafa ghàhnà ma, ma à fuf ma, ma yi kpû te yi ywite ghàhnà ma, ma à yi kpu ye yi mô hi bè bèn ha ghàhnà agha?

Compara

Explorar Lumàns 8:35

Lumàns 8:27

Ŋwàklù Fùyèn Kàn Mù Fê (Cameron)

bmv

Yènfù khə lò təm a ghɨ̂tà, khə gha ye a Yohnà kwàktè beka Yohnà Yulena jə̀mà lò a ghɨt a Fùyènà wù lùk kə yi ghəl te Yènfù khɨŋa.

Compara

Explorar Lumàns 8:27

Lumàns 8:14

Ŋwàklù Fùyèn Kàn Mù Fê (Cameron)

bmv

Yi mô ni beka nâbi nde we a Yohnà Fùyèn tihe wûn mò we à mò wâ Fùyèn.

Compara

Explorar Lumàns 8:14

Lumàns 8:5

Ŋwàklù Fùyèn Kàn Mù Fê (Cameron)

bmv

Ghɨt ghe a ghɨ chyə te njyàsu wùnsu khɨŋa kòŋà kə gha a njyàsu wùnsu biyani ghe a ghɨ chyə te Yohnà Yulena khɨŋa ghɨ kôŋà kə gha Yohnà.

Compara

Explorar Lumàns 8:5

Lumàns 8:32

Ŋwàklù Fùyèn Kàn Mù Fê (Cameron)

bmv

Yènfù tà tì ghək jə hi fo Wâ wûn na ghɨ banti a kàkfùtàfù kum ghàhnà à jɨ̀m. Yi ni chwùtè na fu nè folò nâ mwə̀ mù jɨ̀m ha ghàhnà hi kpenhe Wâ wûn a tû.

Compara

Explorar Lumàns 8:32

Lumàns 8:16-17

Ŋwàklù Fùyèn Kàn Mù Fê (Cameron)

bmv

A mô Yohnà a Fùyèn mɨ ghɨ̂n a ghɨ jîsà a ghàhnà yòhnà, chwùtè ha ghàhnà na ghàhnà mò wana Fùyènà. Ghàhnà shìki tê mô wana Fùyènà, ma yi hi chwûtè na ghàhnà bè khɨtelò ghak yi Fùyènì, mô hi bè khɨte ghak mi ye, ghàhnà Klistù amok. Ghàhnà bè khɨte ghak mi yina ghàhnà Klistù kə wu yu afa ghàhnà boŋa yena ngə̂k ye a Klistù tì yena shyəma ghàhnà boŋà khɨti ban ye a wù kəta.

Compara

Explorar Lumàns 8:16-17

Lumàns 8:7

Ŋwàklù Fùyèn Kàn Mù Fê (Cameron)

bmv

Wùt kòŋà gha a njyàsu wùnsu, yi ni na wù hi mô nì bànà ghê Yènfù, ywo wi sak yi wuni, ma wù wi hi khɨli nâbi hi yû.

Compara

Explorar Lumàns 8:7

Lumàns 8:19

Ŋwàklù Fùyèn Kàn Mù Fê (Cameron)

bmv

Nâ mwə̀ mù jɨ̀m te Yènfù fate gbùtè nâ haŋaŋ na Yènfù chwuti kàntè a wana wuna.

Compara

Explorar Lumàns 8:19

Lumàns 8:22

Ŋwàklù Fùyèn Kàn Mù Fê (Cameron)

bmv

Ghàhnà khə na hi tàn chîn, nâ mwə̀ mù jɨ̀m te Yènfù tì fate, jyê ywo yi yâf te wù t wù ywên wu yu afa wan lɨma wûn.

Compara

Explorar Lumàns 8:22

Versets bíblics populars de Lumàns 8Comparteix

Plans de lectura i devocionals gratuïts relacionats amb Lumàns 8

Versets bíblics populars de Lumàns 8