Versets bíblics populars de Ma꞉tiu 7

Comparteix

Honke leka꞉na꞉ta꞉ kilieke. Weika꞉na꞉ta꞉ handa꞉ wilipikie. Kilikili laeka꞉na꞉ta꞉ mo neke pa꞉ta꞉ lombawalieke.

Homeke epima꞉ honke la꞉tiki pu haya꞉ka꞉na꞉ta꞉ kota꞉ koto somema꞉ milieke. Kutaa make ma꞉nda꞉ epima꞉ weiya꞉tiki pu haya꞉ka꞉na꞉ta꞉ ipikana꞉ma꞉ handa꞉ wilieke. Epima꞉ pota꞉ lia꞉tiki pu haya꞉ka꞉na꞉ta꞉ kota꞉ mo pota꞉ta꞉ koto some pa꞉ta꞉ lombawalieke.

Kutaata꞉ wanda꞉hali epima꞉ do ya pimanu opuaata꞉ koto alo ekimanu ota꞉ pu haya꞉ka꞉na꞉ta꞉ kota꞉ ipikita꞉ mo hande hone wopu wia toopi manda da a꞉eyeke hali tupa꞉ hala꞉me.

Wanda꞉halima꞉ mandane haumanu iki pa꞉ta꞉ pina꞉e laa hone peleme tupa꞉ ikana꞉ma꞉ koto haumanu kone iki pa꞉ta꞉ pu hapa꞉peke. Kota꞉ Mosesima꞉ mo Lo Pi wiekeeki make potopede haliwekima꞉ wimiki mana꞉ pi make do koto hau peomono loluekema꞉ wieke pie.

Kutu pu halemepate mo wanda꞉halima꞉ deto hala꞉eki mia꞉peke ya꞉la꞉ pota꞉ kaketa꞉ ota꞉ dekepeke pota꞉ kakee. Kutupa ipika꞉ pota꞉ make ka꞉nda꞉ pa꞉leke handaa wanda꞉hali hosikima꞉ homeke handa꞉ u halememe.

Mo dekepeke pota꞉ kake pa꞉ta꞉ honda꞉ pamba pua꞉pa꞉peke. Pa ekipeke. Mo ti to hala꞉ alena꞉ pua꞉peke pota꞉ kaketa꞉ peo tieke la make ipika꞉ polo pa꞉la꞉ pota꞉ make aleta꞉ ma꞉nda꞉ na wieke handaa wanda꞉hali wopuma꞉ pua꞉tiki pua꞉tiki pu halememe.

Ikana꞉ma꞉ hoke wanda꞉hali hata꞉ kone ika꞉ wekiwandiki pa꞉ta꞉ epeke epeke alemanu hala꞉pekeeki hone wimika꞉na꞉ta꞉ kota꞉ mo ika꞉ hepeni hala꞉ Apa꞉ma꞉ta꞉ ikana꞉ma꞉ piteme hau ota꞉ lombei peao koto honke lo haleme wanda꞉hali pa꞉ta꞉ ota꞉ epeke epeke alemanu halieke.

Koda꞉ma꞉ iki pa꞉ta꞉ pi yokaalu kiaapa꞉na꞉ ikana꞉ma꞉ make ma꞉nda꞉ pa꞉ta꞉ pi yokaalu na hala꞉pa꞉peke. Pa ekipeke ikana꞉ma꞉ mo mandane wanda꞉hali pa꞉ta꞉ pi yokaalu pimika꞉na꞉ta꞉ kota꞉ ika꞉ pi yokaalu pimi tupa꞉ta꞉ Koda꞉ma꞉ make iki pa꞉ta꞉ mandake piki pi yokaalu kone kilieke. Kutupa ikana꞉ma꞉ ma꞉nda꞉ pa꞉ta꞉ manda꞉ mineme manda꞉ma꞉ kone Koda꞉ma꞉ iki make homeke manda꞉ma꞉ kone milieke.

Pate wanda꞉hali epima꞉ do ya pimanu opuaata꞉ koto alo ekimanu na pu haya꞉ka꞉na꞉ta꞉ kota꞉ ipikita꞉ mo hande hone wopu na wiki hou manda da a꞉eyeke hali tupa꞉ hala꞉me.

Ekipeke naka꞉ kamena꞉ leke pa꞉ta꞉ ula꞉ dokolo siki hone wopu witolo hata꞉ta꞉ mo naka꞉ leke pa꞉ta꞉ ula꞉ ti taka꞉la꞉pake tieketa꞉ hone na u halepe. Mo ti taka꞉la꞉pake tieke naka꞉ leke pa꞉ta꞉ pa wina꞉ alo hata꞉ta꞉ ekipa naka꞉ kame pa꞉ta꞉ Naka꞉ leke ula꞉ dokolo siki meanoe lelipikipe.

Mo yayapiki potopede haliwekima꞉ iki makeaama꞉na꞉ leke leke lo hapa꞉peke. Ikana꞉ma꞉ iki makealuekema꞉ta꞉ ika꞉ lokena꞉ manda hau manuma꞉ta꞉ sipisipi nono pilimipate ika꞉ puki tukiki naneta꞉ hali lu no hala꞉ tikene kikamanu leke kone halememe. Ika꞉ ota꞉ hau pu halemeeki handuluekema꞉ta꞉ kota꞉ ikana꞉ma꞉ ika꞉ kiliki manuma꞉ peneme yaemeka꞉na꞉ handa꞉ wilimikie. Wanda꞉halima꞉ta꞉ waini kiliki taluekema꞉ta꞉ mo taola꞉ puna꞉ eiyo haleke talo hala꞉pe o nose kiliki taluekema꞉ta꞉ ka̱꞉la̱꞉ta꞉na꞉ talo hala꞉pe.

Kutaa make mandane ipi saosao liki tima꞉ta꞉ epeke kilikimanu a꞉ilia꞉pate pa haka꞉teke tima꞉ta꞉ hoke kilikimanu a꞉ilieke.

Kutu pulu pa꞉la꞉pate ipi saosao liki tima꞉ta꞉ hoke kiliki a꞉eya꞉peke na yelieke. Kutaa make haka꞉teke tima꞉ epeke kiliki a꞉eyo pea꞉peke na ya꞉la꞉me.

Hande ti ma꞉nda꞉ma꞉ ipika꞉ epeke kiliki na a꞉eya꞉ka꞉na꞉ta꞉ kota꞉ mo tita꞉ yankuluekema꞉ pokilieke.