Versets bíblics populars de Ma꞉tiu 16

Comparteix

Koto la paeyeketa꞉ Yesuma꞉ ipika꞉ disaipolo haliweki pa꞉ta꞉ alota꞉ Hali ma꞉nda꞉ epima꞉ ya hoki nane toluekema꞉ hone pia꞉ka꞉na꞉ta꞉ kota꞉ ipiki pa꞉ta꞉ kone hone ula꞉ ekimanu tunkulaata꞉ ipika꞉ a꞉ka꞉tei wape piki ti mea tia ya hoki nane telina꞉e leekeme.

Koto ekina꞉ dupa alome. Neketa꞉ Pidae. (nika꞉ pima꞉ta꞉ Toopie) Koto toopi mandaata꞉ ya siosi a꞉elueke. Kutupa mo homo hala꞉ ekina꞉ honkopuma꞉ kone koto siosi ota꞉ na bepolao halieke.

I̱ma꞉ neke pa꞉ta꞉ mo hepenina꞉ Kilu Tombuao Hala꞉ ekina꞉ pota꞉ kakena꞉ kimanu kulueke. Koto ekina꞉ do kenke nane hata꞉ nakana꞉ma꞉ hau ma꞉nda꞉ a꞉nda꞉ pa꞉ta꞉ pi wika꞉na꞉ta꞉ kota꞉ koto hauna꞉ pi wita꞉la꞉eki kone oli hepeni nane make pi wilieke. Kutupa do kenke nane hata꞉ nakana꞉ma꞉ mandane haumanu pa mone pina꞉ paeka꞉na꞉ta꞉ kota꞉ koto pina꞉ pasa꞉ hau kone oli hepeni nane make pa pina꞉ palieke leekeme.

Kutu pa꞉la꞉ ekima꞉ hali epima꞉ ipika꞉ da꞉ta꞉la꞉eki homeke miniki hao haluekema꞉ hone wia꞉ka꞉na꞉ta꞉ kota꞉ ipika꞉ da꞉ta꞉la꞉eki kone alupalieke. Kutu pilia꞉pate I̱ pa꞉ta꞉ hone witolo ipika꞉ da꞉ta꞉la꞉eki alupina꞉ lea꞉ka꞉na꞉ta꞉ kota꞉ ipikita꞉ ota꞉ da꞉taa hao halieke leekeme.

Hali epima꞉ do kenke ala꞉ta꞉ ala꞉ta꞉ paeyao ipika꞉eki wina꞉ la halia꞉pate kone ipika꞉ da꞉ta꞉la꞉eki alupaeya꞉ka꞉na꞉ta꞉ kota꞉ epekeeki ma꞉nda꞉ta꞉ aleke milia꞉pe. Dia꞉ma꞉ ala꞉ta꞉ ma꞉nda꞉ ota꞉ na milieke. Ipika꞉ da꞉ta꞉la꞉eki paa muluekema꞉ topo peapeke ala꞉ta꞉ ma꞉nda꞉ a꞉nda꞉ ota꞉ na ula꞉me leekeme.

Yesuma꞉ iki pa꞉ta꞉ alota꞉ Pa ikana꞉ma꞉ta꞉ I̱ta꞉ epi alemepe leekeme. Saimono Pidama꞉ hombo peaaso alota꞉ Neketa꞉ mo da꞉taa hao hala꞉ Koda꞉na꞉ Eiyeke Ketisoe leekeme.

Yesuma꞉ ipiki pa꞉ta꞉ alota꞉ Saimono Dionina꞉ eiyekeo. Nakana꞉ma꞉ta꞉ epeke tupa꞉ hombo peaeme. Pa ekipeke do ota꞉ tikitikina꞉ hombo peae ekita꞉ hali ma꞉nda꞉ma꞉ na la kia꞉pate ya hepeni hala꞉ Apa꞉ma꞉ neke pa꞉ta꞉ tiki tiki kia꞉me.