Versets bíblics populars de Rom 5

Comparteix

Tungaila Säthaw lä mä-ai tea matangtä bälung aevaw mei näte mätü pyng te vi dy. Mä-ai lä hunghö sa te thüng-a, Khrista lä mä-ai tähang dü pa te vi dy.

Mä-ai lä aethang khai saite awng te phüng-a aethawsi ö te y. Ätephüng-a mei nädylä Säthaw ma mä-ai tea py saite Muilaw Käcai hai-a mä-ai üng bälung thung-a äni üng bälung aevaw saite mäkawi pa te phüng-a vi dy.

Honi qawng-a cang y mä-ai lä mätang saite na aeting ngaila anghawtho ö te vi. Ätephüng-a mei nädylä mätang saite phüng-a, mä-ai lä änawngsa hethang aetu te vi näkha mä-ai lä mäny ö te vi. Honi änawngsa saite lä mä-ai üng aeme aeqa saite tea ryng hai te vi. Mä-ai üng aeme aeqa saite ryng te phüng-a mä-ai lä aethang khai haw ö te vi.

Vaihi mä-ai lä yng saite hai-a Säthaw üng maw-a cüng ö te vi. Mä-ai üng Areng Isu Khrista hai-a Säthaw hai awngneng saite dang ö te vi dy. Mä-ai üng Isu Khrista tea yng saite hai-a Säthaw üng tähang kähawi lä mä-ai tea vaihi dang kha tähang kähawi thung-a hing ö te vi dy. Mä-ai lä Säthaw üng tähang kähawi hai-a hing ö te vi. Mä-ai lä Säthaw üng phung-ang thung-a qa hethang aethang khai saite phüng-a anghawtho ö te vi.

Mä-ai lä aethawdi te kätü-a, Säthaw lä äma re saite käni-a mä-ai hunghö sa saite khimi na tähang Khrista lä dü pa te vi dy.

Khrista üng dü saite äthi phüng-a, vaihi Säthaw lä mä-ai tea khimi käcüng-a mäthi te vi dy. Tukätephüng-a Säthaw üng kädawtho saite üng Isu lä mä-ai bung aeqang tätang vi ai.

Khimi lawngtä ma lä Säthaw üng lo tängai y te phüng-a, khimi angxynlyng na lä hunghö sa saite na lawng ö te vi dy. Honi kätyng khimi lawngtä ma Säthaw üng lo tängai te phüng-a, Säthaw lä khimi angxynlyng na tea lä khimi käcüng-a mäthi pa vi ai.

Hokä tangtä cang y rawng, mä-ai üng Areng Isu Khrista hai-a mä-ai bung Säthaw üng kangby jä-ai na-a lawng hai te phüng-a, mä-ai lä anghawtho ö te vi.