Versets bíblics populars de Петрдыҥ 2-чи самаразы 1

Comparteix

Оныҥ кудайлык кӱчи јӱрӱмге ле Кудайга беринерине керектӱ ончо немени биске тегин берип јат. Мыны ончозын бисти Бойыныҥ магыла, быйаныла кычырган Кудайды билип турганыс ажыра алып јадыбыс. Анайып биске баалу-чуулу ла улудаҥ улу сӧс берилген. Ол сӧс бисти Кудайдыҥ бӱдӱмелин бойына алынзын, бу телекейдеги јайрадуга экелеечи кычадаҥ кыйышсын деп берилген.

Бого болуп ончо кӱчигерди салыгар; бӱдӱмјигерде бойыгардыйын кородып, кудайлык быйанга једигер. Кудайлык быйанга једип, Оныҥ табын билип алыгар. Оныҥ табын билип, кӱӱнигердиҥ ээзи болыгар, кӱӱнигердиҥ ээзи болуп, турумкай болыгар, турумкай болуп, Кудайга беринген болыгар. Кудайга беринген болуп, карындаштарды сӱӱгер, карындаштарды сӱӱп, ончо улуска карузыгар.

Бу ончозы слерде бар болуп, кожулып турза, Иисус Христос Кайраканысты билип аларында једими ле тузазы јок артпазыгар.

Оныҥ учун, карындаштар, слерди Кудай кычырып ла талдап алганын јӱрӱмде кӧргӱзерге кичеенигер. Анайда эдип, качан да бӱдӱрилбезигер.