Versets bíblics populars de 羅馬書 2

Comparteix

總係，朋友啊，你所論斷个，別人所行个該兜事情，就係你所行个啊！你想，你閃得開上帝个審判嗎？ 抑係你看輕佢豐盛个慈愛、寬容㧯忍耐？你應該知上帝个慈愛，因為佢愛你悔改！

朋友啊，論斷人个，無論你係麼人，毋使想愛推辭。你論斷別人，總係自家所做个又同佢等共樣，恁樣，你就係定自家个罪。

因為，無論對麼人，上帝毋會偏心。

因為被上帝判無罪个，毋係該兜聽到法律个人，係該兜實行法律个人。

因為上帝愛照逐儕个行為報應佢。

總係，該兜自私个人，佢等拒絕真理去跈不義，上帝个發譴㧯責罰一定會臨到佢等。

總係你个硬心㧯毋肯悔改，為你自家招來更多个憤怒，致到上帝為公義發譴㧯審判个日仔來到个時，受還較重个責罰。