Versets bíblics populars de 民數記 14

Comparteix

你等毋好悖逆上主，也毋使驚該地方个人民。𠊎等會盡容易征服佢等。上主㧯𠊎等同在；佢已經打贏該兜保護佢等个神明，所以你等毋使驚！」

『𠊎係上主；𠊎毋會隨便發譴。𠊎有豐盛个慈愛；𠊎赦免罪惡㧯過犯。總係，𠊎毋會將有罪个準做無罪，𠊎一定會因為爺𡟓个罪來責罰佢等个子女，直到三四代。』

若係上主歡喜𠊎等，佢會𢱋𠊎等到該位，將該垤流乳㧯蜜、盡肥个土地賜給𠊎等。

總係𠊎个僕人 迦勒 無㧯佢等共樣；佢一直對𠊎忠心，所以，𠊎會𢱋佢到該垤佢打探過个土地；佢个後代也會得到該地做產業。

你等去㧯佢等講：『𠊎指等𠊎个永生發誓：𠊎會照你等所求个對付你等。𠊎係上主；𠊎恁樣宣佈了。

上主對 摩西 講：「這兜人藐視𠊎愛到幾時呢？佢等毋相信𠊎愛到幾時呢？雖然𠊎在佢等當中行恁多神蹟，佢等還係毋信𠊎。

佢等埋怨 摩西 㧯 亞倫 講：「𠊎等死在 埃及 抑係死在這曠野還較贏！

嫩 个孻仔 約書亞 㧯 耶孚尼 个孻仔 迦勒 這兩個探仔悲傷到扯爛衫褲， 對人民講：「𠊎等所打探个該垤土地係非常肥个土地。

總係，𠊎指等𠊎个永生發誓：就像𠊎个榮光充滿全地恁確實， 這兜人連一儕毋會入去該土地。佢等看過𠊎个榮光，看過𠊎在 埃及 㧯曠野所行个神蹟，還係連連試探𠊎，毋聽從𠊎。 佢等一定做毋得進入𠊎所應許給佢等祖先个土地；藐視𠊎个人，無一儕做得入去。