Versets bíblics populars de Yoˇhaˬ 16

Comparteix

Ngaˬ-euˬ laꞈ kʼoeˇ naw maꞈ nui saˇ oꞈ-eu jeˬ za nya ni, naw naw maꞈ-ahˇ heu loꞈ-ehˇ ehˇ-eu ma. Miˇ tsaˬ heu kʼoeˇ taˆ, kʼehˬ-eu kʼaˆ-eu jeˬ-ahˇ naw maꞈ ya daˬ tehꞈ-a. Ehˇ kʼawꞈ, tiˬ pawꞈ-iˬ taˬ guˆ. Miˇ tsaˬ heu-ahˇ ngaˇ gʼaˬ leˇ-euˬ ma.”

Ehˇ kʼawꞈ, Miˬyehˇ gaˇ kawˆ yaw tsaˬ yaw dawˇ jeˬ pah mehˬ le-eu gʼaˬ pyeuꞈ-eu Yaw sahˇ Miˬyehˇ oe ngeh, yaw tsaˬ yaw dawˇ dawˬ tawˆ luꞈ-ahˇ naw maꞈ siˬ nya laˇ ni aˬ yawꞈ sheuˬ mehˬ laꞈ tehꞈ-a. Aˬ jeˬ miˇ neh ehˇ aˇ, aˬ yawꞈ-euˬ nui noeˬ nui loˆ maˬ ngehˬ maˬ tmˇ-ehˇ, Aˬda neh kʼaˇ ehˇ nehˬ-euˬ jeˬ naw maꞈ-ahˇ dzawˇ nehˬ-awˇ, mehˬ hu paw pyeuꞈ laˇ-eu lehˇ gʼeh-eu gaˇ kawˆ deuˬ ehˇ mehˬ laꞈ tehꞈ-a.

Iˬ nah keuˆ ni, ngaˬ-euˬ tsawˇ myahˇ laꞈ kʼoeˇ naw maꞈ tiˬ jeˬ-iˬ maˬ shaˇ-aˬ siˬ. Naw maꞈ laˬ kʼaˬ cehˇ-eu jeˬ tiˬ byah tiˬ loꞈ za ni shaˇ-awˬ. Shaˇ naˇ za tehꞈ-a.”

Ngaˇ naw maꞈ-ahˇ maˇ jawˆ ni ehˇ-eu ma. Ngaˇ gʼoꞈ leˇ-eu-aˬ, naw maꞈ gʼaˇ duˬ muiˬ dzehˬ meh. Aˬ jeˬ miˇ neh ehˇ naˇ, ngaˇ maˬ gʼoꞈ leˇ naˇ, Caw ba-eu gʼaˬ naw maꞈ jawˇ gaˇ maˬ oe nya-a. Ngaˇ gʼoꞈ leˇ naˇ, Caw ba-eu gʼaˬ-ahˇ kʼehˇ gʼeh leꞈ ma. Aˬ yawꞈ oe ngeh, iˬ baˇ gaˇ kawˆ maˬ ehˇ, yaw tsaˬ yaw dawˇ jeˬ gaˇ kawˆ maˬ ehˇ, Miˬyehˇ yaˇ kʼaˬ daˇ-eu gaˇ kawˆ maˬ ehˇ, miˇ tsaˬ zaˬ deuˬ jah lehˬ-eu meh lehˇ aˬ yawꞈ saˇ kiˇ kamˬ tehꞈ-a.

Naw maꞈ kʼawꞈ, kʼoeˇ gaˇ duˇ-eu meh. Nymˬ-mˇ naw maꞈ ya noeˬ shaˬ-eu meh. Ehˇ kʼawꞈ, naw maꞈ-ahˇ ngaˇ paˇ haw mawˇ le ngeh, naw maꞈ laˬ kʼaˬ cehˇ dui dui tehꞈ-a. Kʼoeˇ ngeh jawˇ, naw maꞈ laˬ kʼaˬ cehˇ-eu jeˬ-ahˇ tiˬ gʼaˬ-iˬ maˬ paˇ lu doˆ geuꞈ gʼeh nya-aˇ. “Aˇ nah kʼoeˇ nah keuˆ le ngeh, naw maꞈ ngaˬ-ahˇ tiˬ jeˬ-iˬ maˬ paˇ shaˇ-aˇ. Ngaˇ naw maꞈ-ahˇ maˇ jawˆ ni ehˇ nehˬ nyaˇ. Ngaˬ-euˬ tsawˇ myahˇ laꞈ kʼoeˇ naw maꞈ kʼaˇ shaˇ-eu jeˬ-ahˇ, Aˬda biꞈ nehˬ laꞈ tehꞈ-a.

Ngaˇ naw maꞈ-ahˇ dawˇ coe ni ehˇ-eu ma. Naw maꞈ myaˆ biˇ doˆ le-eu uˬ taꞈ, tsawˇ ngoeˇ kʼawꞈ ya ngoeˇ tehꞈ-a. Ehˇ kʼawꞈ, miˇ kʼahˬ zaˬ deuˬ laˬ kʼaˬ cehˇ tehꞈ-a. Naw maꞈ nui ma shaˬ zahˬ ya mˇ tehꞈ-a. Ehˇ kʼawꞈ, naw maꞈ neh noeˬ shaˬ-euˬ jeˬ kʼoeˇ, laˬ kʼaˬ cehˇ-eu jeˬ paˇ pyeuꞈ laˇ tehꞈ-a.