Versets bíblics populars de Uchokholha 1

Comparteix

Chiichammo tho Nlhuku nkeera, “Vano nimuupeke ntu, o ulhikaana ni hii, o ikhove ihu, ataware ihopa cho mbaharini, ashinuni o wiirimu, ashinama o velhaponi onkhaye ni ashimweettu o wiipurulha onkhaye.” Paahi Nlhuku ahomwuupa ntu wo ulhikaana ni mwanene Nlhuku. Eiyo, wo ulhikaana ni mwanene Nlhuku, ahomuupa ntu. Ahoupa nlhopwana ni nthiyana.

Nlhuku nkaavahacha ibarakha ni weerelha, “Mwayaraaneke munchererieke, mwacharihe ilhapo ni utawara kila ittu. Kinouvahani ikuru yo utawara ihopa ni ashinuni ni ashinama onkhaye arii velhaponi.”

Wo uchokholha vawo Nlhuku ahoupa irimu ni ilhapo.

Ilhapo yaari wo uhichuwania chiri aya, wo uhikhalha ni ittu nhina. Tho, ipiphi yaari vachulhu maashi o wiisha, ni Iphumu ya Nlhuku aari nakhunenlhe vachulhu waya, eetakachaka vachulhu maashi.

Nlhuku nkeera “Waarie, ukhalhe nkwee.” Nkawaaria, nkawaakhalha nkwee.

Nlhuku nkaaweha chittu chonkhaye chuupilhe awe, nkoona chihokhalha chorera chinene. Nkaweelha, nkawaasha, nenno nihuku no sita.

Nlhuku nkaachivelhiya waaria uwo. Nkaamwalhaaniha waaria ni ipiphi

Yamalheke vavawo, Nlhuku nkeerelhacha, “Kinouvahani kila nikosho no ntepo ninemma ni kila mwiri unoyara maphepu o imbeyu, wiira imbeyu chiyo ama maphepu aya ayo akhalheke phi yolhia inyu.

nkeehana waaria uwo “Uthana” ni ipiphi iyo nkeehana “Uhiyu.” Nkaweelha, nkawaasha, nenno naari nihuku no upacha.

Nlhuku nkeera, “Ikhalhe ittu variyari maashi, imianihe maashi mipata miilhi, uno ni uno.”

Nansho ashinama onkhaye o velhaponi ni ashinuni onkhaye ni ashimweettu aneepurulha, eiyo, kila yowuupiya ikumi kihaavaha manyashi ni mathaakhuru aya o ulhia.” Nkayeeria chiicho.

Nlhuku nkeera, “Chikhalhe mithuko uchulhu, chimwalhie ni umwalhaaniha uthana ni uhiyu, ikhalhe phi iphiro yo uchuwelhiha ikatema, nlhalha, mahuku ni iyaakha

Tho nkaalhehera wiira, “Ilhapo imelhe mikoko cho uyara imbeyu ni miri chinoyara imbeyu cho kila nikosho.” Nkayeeria chiicho.

Paahi etu Nlhuku nkoupa ittu yo umianiha maashi o uchulhu ni maashi arii vathi. Nkayeeria chiicho.

Paahi, ilhapo nkayaamelha mikoko cho kila nikosho, ni miri chinemma maphepu o imbeyu cho kila nikosho. Nlhuku nkoona wiira vahorera.

Paahi Nlhuku nkoupa mithuko miilhi chulhupalhe, yaani nchuwa no utawara uthana ni mweeri wo utawara uhiyu, tho, nkoupa ni ittotwa.

Nlhuku nkeera, “Maashi ari wuuthi irimu athukumaaneke vamoka ni vakittu voomilhe vakhumelhelhe.” Nkayeeria chiichammo. Nkeehana voomilhe vawo, “Ilhapo” ni maashi aathukumanne vamoka nkeehana “Ibahari.” Nlhuku nkoona wiira vahorera.

Nlhuku nkaavahacha ibarakha ashinama onkhaye o mmaashini eeraka, “Mwayaraanacheke, mwonchererieke, mwachare mbaharini, ni ashinuni oncheriacheke velhaponi.”

Tho Nlhuku nkeera, “Ilhapo ichare kila nikosho no cho wuupiya chikumi cho kila nikosho, ashinama o uhuwiya, ashimweettu o wiipurulha ni ashinama o mwiithuphini o kila nikosho.” Nkayeeria chiicho.

Tho Nlhuku nkeera, “Maashi achareke makosho o cho wuupiya chikumi, ni ashinuni achareke wiirimu.”

Paahi Nlhuku nkoupacha makosho onkhaye o ashinama o mwiithuphini, o uhuwiya o kila nikosho, ni o wiipurulha o kila nikosho. Nlhuku nkoona wiira vahorera.