Versets bíblics populars de ရောမဩဝါဒစာ 9

Comparteix

ထို့ကြောင့် ဤ​အရာ​သည် လူ​၏​အလိုဆန္ဒ​အပေါ်၌​လည်းကောင်း၊ ကြိုးစား​အားထုတ်​မှု​အပေါ်၌​လည်းကောင်း မ​မူတည်​ဘဲ ကရုဏာ​ထား​တော်မူ​သော​ဘုရားသခင်​အပေါ်၌​သာ မူတည်​၏။

အဘယ်ကြောင့်​ဆိုသော် ဘုရားသခင်​သည် မောရှေ​အား “ငါ​သည် သနား​လို​သော​သူ​ကို​သနား​၍ သက်ညှာ​လို​သော​သူ​ကို သက်ညှာ​မည်”​ဟု မိန့်​တော်မူ​၏။

သို့သော် အချင်း​လူ၊ သင်​သည် မည်သူ​ဖြစ်​၍ ဘုရားသခင်​ကို ပြန်ခံ​ပြောဆို​သနည်း။ ပုံသွင်း​ခံရ​သော​အရာ​သည် ပုံသွင်း​ပေး​သော​သူ​အား “အဘယ်ကြောင့် ငါ့​ကို ဤသို့​ပြုလုပ်​ခဲ့​သနည်း”​ဟု ပြောဆို​နိုင်​ပါ​မည်​လော။

ထို့ကြောင့် ဘုရားသခင်​သည် သနား​လို​သော​သူ​ကို သနား​တော်မူ​၍ ခေါင်းမာ​စေ​လို​သော​သူ​ကို ခေါင်းမာ​စေ​တော်မူ​၏။

အိုးထိန်းသည်​သည် ရွှံ့စေး​တစ်ပုံ​တည်း​ထဲမှ အသရေ​ရှိ​သော​အရာ​အတွက်​သုံး​ရန် အိုးခွက်​ကို​လည်းကောင်း၊ အသရေ​မ​ရှိ​သော​အရာ​အတွက်​သုံး​ရန် အိုးခွက်​ကို​လည်းကောင်း လုပ်ပိုင်ခွင့်​ရှိ​သည်​မ​ဟုတ်​လော။