Versets bíblics populars de Mat. 5

Comparteix

Aw menemtem se otaw te solò, eked din iyan sengkobi te gentangan. Meneng mèpiya aw isawol din iyan diyà te kelengkawan amon keenyagan se didalem te balay. Iling heman kenyan, keilangan olò mèpiya se inangen niyo, so aw komità se menge doma otaw te mèpiya se eg-inangen niyo, iduyun dan se Amay niyo Timanem doton te langit.”

“Dalem te peg-ogpà niyo dini te keneyonan, iling kaw te solò diyà te kedita te otaw. Eked keeles se lonsod aw doton te lanto te bontod.

“Doen keluba te kedita te otaw melobos se pedowan dan tomaking te Timanem, so komità dan kwani kandin.

“Doen keluba te kedita te otaw ontò meibeg meg-inang te metòlid, so tebangan dan te Timanem amon mekeinang dan te metòlid.

Meneng mikagi a den diyà kenyo te keilangan kedekelan niyo te pedowan se poon niyo. Keilangan gayed kaw megtawal-tawal diyà te Timanem tepad te otaw egpemilang kenyo.

“Doen keluba te kedita te otaw netaga-taga te eked dan pekeinang te mèpiya singed aw tebangan dan te Timanem, so sekopen din dan diyà te peglowan din.

“Doen keluba te kedita te otaw egpekeaseb eg-inang te kelinaw, so inangen dan te Timanem menge batà din.

“Doen keluba te kedita te otaw nelidò se pedowan dan, so sinelayen dan te Timanem.

“Doen keluba te kedita te otaw egpemilangen tandà te pegtolò dan te Timanem, so sekopen din dan diyà te peglowan din.

“Doen keluba te kedita te otaw egkeido te doma, so keidowan dan heman te Timanem.

“Doen keluba te kedita niyo egtompuyusen tandà te pegtaking niyo kanak, pengkey egpemilangen kaw, pengkey bàtan-bàtan kaw. Iling heman kenyan se pegpemilang dimateng diyà te menge telekeliwat te kagi te Timanem gebii. Meneng keilangan ontò kaw meluba, so ontò mèpiya se ontong ibegay diyà kenyo doton te langit.”

“Doen keluba te kedita te otaw migpedanà te kandan pegkeotawun, so kominawà dan te tanà impakang te Timanem.

“Dalem te peg-ogpà niyo dini te keneyonan, iling kaw te asin isanged diyà te kànen. Meneng simpana megkewedad se kepait te asin, eked iyan ketodà. Keilangan iagbel, so wedad den kekemowan niyan, aw gìtan iyan te otaw mokit kidoen.

Yan, keilangan melobos se pedowan niyo iling te kelobos te pedowan te Amay niyo Timanem doton te langit.”

Aw keseligan se kagi niyo, botong aw olò kaw tomaba, ‘Ee,’ aw ‘Eked.’ Aw keilangan isogpat niyo se sapà diyà te kebenalan, medaet iyan, so lekat iyan ki Satanas.”

“Netegahan niyo heman te migpunù si Moises gebii, aw memisek se otaw te mata te doma otaw, keilangan piseken heman se kandin mata. Migpunù heman si Moises, aw longeben te otaw se ngipen te doma otaw, keilangan longeben heman se kandin ngipen. Meneng mikagi a den diyà kenyo, aw doen otaw meg-inang te medaet diyà kenyo, ikà niyo eg-inang te medaet diyà kandin. Aw sempaken kaw te doma otaw diyà te pisngi lenged te kowanan, pesempaki niyo heman se pisngi lenged te bibang.

Yan aw meboyo kaw meg-inang te salà pineokit te mata niyo, mèpiya aw logiten niyo se mata, aw iagbel niyo amon eked kaw keboyo. Labi pa medaet aw meboyo kaw pineokit te mata aw iagbel se kedakel te lawa niyo doton te kilot. Aw meboyo kaw heman meg-inang te salà pineokit te belad niyo, mèpiya aw tokongen niyo se belad niyo aw iagbel niyo amon eked kaw keboyo. Labi pa medaet aw meboyo kaw pineokit te belad niyo aw iagbel se kedakel te lawa niyo doton te kilot.”