Versets bíblics populars de Mat. 2

Comparteix

Peg-awop dan kidoen te balay, kinità dan se batà aw inay din si Maria. Limongken dan aw migsimba dan te batà. Penga niyan, inokal dan se kekanà inibing dan, menge bolawan, aw metinadeg sonogen, aw bebolong te saka iningedanan mira. Tinigkan dan iyan imbowang diyà ki Jesus.

Timebaw si Jesus doton te lonsod te Bitlihim sakop te probinsya te Judiya dalem te peglowan te selotan si Herod. Nayan, doen menge otaw dimateng doton te Jerusalem lekat te mediyò ogpeanan doton te eglibtakan te aldaw. Sikandan se ontò biyasa tepad te pengilala te menge bitoen. Mig-insà dan, “Kenan lay se deitek batà meinang Selotan te menge Judiyo? Kinità day se bitoen limibtak aw yan se pengilala te timebaw den sikandin. Dimini kay amon megsimba kay kandin.”

Penga niyan, nesayo dan aw todà dan kinità se bitoen tapay dan kinità limibtak. Pegkità dan te bitoen, ontò neluba se pedowan dan, aw yan se tinekingan dan lamig simagked iyan diatas te balay inogpaan i Jesus.

Nayan, migpunù se Timanem diyà kandan pineokit te tegeinep te eked kepakay aw lomikò dan doton ki Herod. Yan se doun te minokit dan te sebad dalan te peg-olì dan doton te kandan ogpeanan. Nayan, penga te pegkesayo dan, doen anghil insogò te Timanem migpekità diyà ki Jose pineokit te tegeinep, aw minikagi, “Enaw ka. Ibingi se batà aw inay din, aw kadas kaw doton te Ehipto. Peg-ogpà kaw doton lamig te ipeolì ko sikiyo, so doen sondalo isogò i Herod amon mengemahà te batà seini aw imetayan.”