Versets bíblics populars de João 14

Comparteix

―Nah ikisyi akak ini nukanhu yit kariswaki. Nah kariswehse yiyakni kahadbe yis msakwa hawwata ke nahbe, yiyakni karisaw. Nah kariswehse yiyakni inyerwa, ka kema hiyeg amedgenema inin. Ka yi muwaka barukiswa. Ka yi isaksa apiska parak apitit yiyakni.

Igme Kiyapwiye Jesus kaytwa giwn: ―Nahnewa ahin. Nahnewa hiyakemniki inyerwatnene ahawkri. Nahnewa yidehetni. Waké ka nahma, yumahkam hiyeg danuhne ta git Wigwiy. Nahnewa ku pariye ahin atere git. Yuma nawenéwa ahin akiw.

Ayteke ig awna ta wothu akiw: ―Ka yi muwaka barukiswama nuharit. Ka yi muwaka apis. Kamaxwanabay ta gipitit Uhokri. Kamaxwanabay nupitit hawwata.

Henneme aysawnemenek Wigwiy awahkis Gitipnek nuwenyan adahan igme yikannuhten amin madikte hiyakemniki. Iggi yawayghetninek. Ig kiyekis yit madikte inakni ku pariye nuwnhu yit. Ig keh yis pukuhpin.

Ku pahapwi timá nuwnhu, ku ig iha nuwnhu, ignewa ku pariye batekye nukakhu. Ku pahapwi batekye nukakhu, nikwe Wigwiy batekye gikak. Nah hawwata nah batek gikak, nah hiyakkiswa git.

Nahme ayá git Wigwiy adahan ig awahkis pahapwi nuwenyan adahan yawayghetni. Igme yawayghetni msakwa yikaknek adahan apanenekwa. Iggi Uhokri Gitip. Ig apanenekwa ekkene ku pariye hiyakemniki inyerwatnene. Hiyeg kane Uhokriyanpuma igkis ka hiyá igkisma amapig mmanawa igkis ka hiyapri, igkis ka hiyakri ku pariyene ig. Yisme hiyakri ku pariyene ig mmanawa ig msakwa ay yikak. Aysawnemenek ig msekwepye ay yipitnek.

Apim ini ku pariye yayapni nuthu nuwaprik nah ikí yit kahadbe ig Wigwiy kiyathaka awaku ini ku pariye nukanhu yit. Madikte ku pariye yayapni nuthu nuwaprik nah ikí yit.

―Ku yis batek nukakhu, ihpanabay nuwnhu.

Kaayhsima iwetrit ayhté gimun Wigwiy. Waké yuma iwetrit aygebe, nikwekam nah ka awnakam inakni henne. Nah atak ahegbetepye yiwetri yapit.

Ku yis hiyá nah tipik ahegbetepye yiwetri yapit, atannewa nah diyuhe akiw adahan yiwepten aterenek kahadbe ku kiney nah msakwa aygwata yis msakwa.

Ig kiyapwiye Tomé timapni henne, ig awna git: ―Kiyapwiye, usuh ka hiyak ku kitwiye pis. Mmah ahiyaka ahin wothu?