Li mɔɔni man, Sionn aanib, li mɔɔni man.
Nimi Jerusalem aanib, li tar mpopiin pu man.
Lik, nimi aabɔrkpaan choo ni chee la.
U ye ubimbinyaandaan le ki joo linyaŋ choo,
u sunn ubaa taab le ki dik ubon pu,
u dik ubon u laa diin na pu la.

Uwumbɔr bui ke,
“M ga nyan butɔb aataan aatɔroku tiib Israel aatiŋ ni,
ki nyan itaan Jerusalem aatiŋ ni;
m ga kool baah joo itɔi i chaa butɔb ni na.
Nimi aabɔrkpaan ga cha nsuudoon dan ŋitimbol chee;
u ga li joo kitiŋ
ki nya nnyusakpem mue chee ki ti saa mue chee,
ki nya Yufrates Aamɔɔl ni, ki ti saa kitiŋ aanaanmɔk.”

Nwiin ngbaan daal yaa nan fuu ni kan,
Uwumbɔr ga gaa waanib lii,
ke unii aah nyani waawakor linimaln ni pu na.
Uwumbɔr aanib ga li moor waatiŋ ni ke kibɔryikpupuk aatakpanyaan na.

Versets bíblics populars de Sekaria 9Comparteix

Versets bíblics populars de Sekaria 9