Makowe Kilongolyo
Kilongolyo
Kitabu sa Makowe ga Atumilwe kiawanikia likanisa mwalyaatumbwile mu Yelusalemu no yendelya bamba mu Uyahudi na Samalia mpaka kumili'ma ya kuutalu nsawani na malagyo ga Yesu Kilisitu kwa banamasi' bake paabile balo tundu'bi'yi'lwa kwake yenda kunani (Makowe ga Atumilwe 1:8). Kitabu si'no saandikilwe na Luka ywaabile kai' mwandiki wa kitabu sa Injili kati mwaiandikilwe na Luka. Yu'no aai nng'anga naywembe aatami wisowiso kabinia kugaandika makowe gagabile ga kakape. Ywaandikilwe itabu yi'no yoti ibi'li' yani Injili na kitabu sa Makowe ga Atumilwe aai Myunani ywaakemelwage Teofilo. Lakini kai' yendawesekana panga itabu yi' yaandikilwe kwa alongo boti ba Kikilisitu babayangabanike Ayunani na Ayahudi (1:1).
Kwaali' kitabu sa Makowe ga Atumilwe saandikilwe mumyaka 60 mpaka 64 bu'ka belekwa Yesu Kilisitu kwa mwanjaa kitabu kiyomoki andikilwa Pauli abile balo yu'gu'li'lwa bu'ka muutabilwe. Kai' Luka aalongwaniye pamope na Ntumilwe Pauli, kwa nyo yendawesekana panga kitabu si' sa Injili ya Luka akiandike kumuyi wa Antiokia. Kitabu sa Makowe ga Atumilwe nga nnyendelyo wa kitabu sa Injili ya Luka, kitumbwa kwo yaulya u'bu'ka kwa Yesu kunani. Libinio lya Luka lyo andika kitabu si' libonekana panga nga li'li'lu'li'lu' lyaabile nalyo kaandika Injili yake. Ampalage Teofilo na mitumbi ya Akilisitu yayabile kaiku'la no yongekeya baupate ukakape wa gabayi'ganilwe, kwa nyo aandika abali ya ukakape muno bu'kana na maisa ga Yesu no bamba kwa Ukilisitu.
Kitabu sa Makowe ga Atumilwe kitupeya twenga mpwano wa kanisa lilongoi mwalyaabile na bandu mwabatamage mumaisa ga imani kwa Yesu. Mpwano wa atumilwe utulaya twenga ndi'la ya kuu'bi'lya uweso wa Loo Mpeleteu wo bambiya abali ya Injili kwa bi'ngi'.
Mutasali
1. Loo Mpeleteu aulukya banamasi' na kanisa ngalitumbwa ku'la no yongekeya (1:1-8:1).
2. Kanisa lipi'ta munsimu wa siki na ngu'su'mbu' na ngalibamba no loka mipaka ya ku Yelusalemu (8:2-12:23).
3. Pauli ayenda mwanja wake nnongoi wa kimisioni (12:24-14:28).
4. Balasa ngalikwembana ku Yelusalemu no amwa panga makowe gaku' nga ga ngama gagapalikwa kwa aumini baayambi' (15:1-35).
5. Sakibandika Pauli ayenda mumwanja wake unebi'li' wa kimisioni (15:36-18:22).
6. Pauli ngayenda mwanja wake wa pampanda patatu wa kimisioni (18:23-20:38).
7. Pauli endaboyolwa ku Yelusalemu (21-26).
8. Pauli apelekelwa ku Roma (27-28).
বর্তমানে নির্বাচিত:
Makowe Kilongolyo: Matumbi
হাইলাইট
শেয়ার
কপি
Want to have your highlights saved across all your devices? Sign up or sign in
© 2019 Pioneer Bible Translators