Popular Bible Verses from Ad’u Tinda 6

শেয়ার

mi mbut hat hurum yam le d’a mi le sana yam andagad’id’a. Kayam ndata, hurum zal ngola

Ata yima Ma didina mi we tchod’a hi suma nga d’i i avogovok djib’er mazid’a burâ pet ni yam tcho d’a led’ina

Wani Noe ni sama djivina avok Ma didina.

Wana ni zla d’a ded’a yam Noe-d’a: Noe ni sama d’ingêr ma d’engzengâ avok Alona, mi tit zlapa kAlona.

mi de kurum ala: An mba ni dap ahle suma an lazi yam andagad’ina woyo, nala, suma, azureina, ambureina, ahle suma a dram kä na kaluweina, kayam an hurun hat ngola yam le d’a an lazid’a.

Ata yima suma nde zul yam andagad’a, a nga vut gro aropma mi na, Alona groma a we gro arop ndazina a djif irazi heî, a man suma a nde irazina, a vigiziya. Kayam ndata, Ma didina mi dala: An mba ni ar Muzuk mana mba mi kak ki sana gak didin ndi; kayam mam mi sana mba mi mid’a, mba mi le bizad’a ni kis yam dok mbà. Kur bur máma suma fuyogeina a nga yam andagad’a tua, ata yima Alona groma a mba a zlap ki gro aropmina, a vut grona; azi ni suma ad’eng suma a nga adjeuna, ni suma simiyêzi nde yina heîna.

Noe mi lahlena pet d’igi Alona mi hum vuna na.

Alona mi de mi Noe ala: An min dap suma woyo; ni kayam asa’at mazid’a ba, andagad’a mbut vama b’laka, an nga ni b’lagazi woi zlapa kandagad’a.

Ang min bato d’a ngola kagu goferâ, ang kat hurut teteng, ang gulud’ut hurut ki huyogot ki dubangâ.

mi wazi a mbut vama b’laka, kayam azi pet a we nga lovot ta a tit kua yam andagad’id’a d’i.

Ang yo ahle suma arina ad’u andjavazi kakapa tutu pet, mandjufâ katchad’a, kayam a kak karid’a zlapa ki sed’engû