Popular Bible Verses from Ad’u Tinda 17

শেয়ার

Kid’a Abram bizam ndak dok zlengâ yam zlengîd’a, Ma didina mi nde tam mbei iramu, mi dum ala: An nAlo ma ad’engên kal petna; ang tit avoron d’ingêr ndak memet.

Suma a dok yang ala Abram mbuo d’a, wani a mba yang ala Abraham, kayam an mba ni mbud’ung andjaf suma ablauna abuziya.

An mba ni djin vunan ki sed’eng kandjavangû, kandjavang ma mba mi mba bugol kur atchogoi d’a lara ge petna mi; ni vun man ma djin ma didina. An mba ni arî Alo mangâ, Alona handjavang ma blogongîna mi.

Wana ni vun ma djin ma an djinim ki sed’engâ: Ang mba mbut nandjaf suma ablauna abuziya.

Alona mi de mi Abraham ala: Nga na d’i! Amanga Sara mba d’i vut gor mandjufâ, ang mba yum ala Isak. An mba ni djin vunan ki sed’em kandjavam ma blogoma; ni vun man ma djin ma didina.

Andaga d’a ang kak mbeid’a kata, nala, andaga d’a Kanan-nda pet, ni mi ang kandjavangû, mba d’i mbut ni magid’a ki iragi fafat; an mba ni arî Alo mazina mi.

Abraham mi ge tam kä ki iram andaga avok Alona, mi djib’er kurum krovo, mi nde sanda ala: Sama bizam kisâ, mi ndak á vut gorâ zu? D’oze Sara bizat dok zlengâ wana, ti ndak á vut tei zu?

Alona mi de mi Abraham kua ala: Ang dok yi amanga ala Sarai d’uo d’a, wani ang yat ala Sara.

Agi ngad’agi bayâd’a; bayâ ndata mba d’i mbut ni vama simata yam vun ma djin ma an djinim ki sed’egina.

Wani an mba ni djin vunan ki Isak ma Sara mba d’i vud’ungzi dama hina dedegena.

Gro andjuvei suma agi mba vud’uzina pet, magumei suma a mba vut avo hatagina d’oze suma agi mba guzuzi ki beged’a abo suma dingîna, ma lara ma nandjavagi d’uo na, agi ngad’azi bayâd’a kur bur ma klavandina kur atchogoi d’a lara ge pet. Magom ma a mba vud’um avo hatagina d’oze ma agi mba guzum ki bege magid’ina, mbeî agi ngad’am bayâd’a. Hina mba d’i arî vama simata atagi yam vun man ma djin ma didina.