Mariko 9 থেকে জনপ্রিয় বাইবেল পদ

শেয়ার

Yesu namusunjila mbu Noba nonyala, ta! Kosi kanyalikhanga khwoyo ousuubila.

Habwenaho samwana omwana nalakaya, nasunga ari Esuubiile! Ukhoonye khuburasuubila bwanje.

Nolwa yali niyenjiile munzu abeechibe nibamureeba mabiswi, bari Nishiina eshichilile ifwe nikhuranyalile okhumurusia ta? Naye nabasunjila ari Imbia yino shiyinyala okhurusibwa nelikhuwa liosi ta habula okhusaaya.

Omuunyu nomulayi; ne omuunyu nikuba nikutsinziibe, mulakulunga nende shiina? Mube nomuunyu mumioyo chieeny ve, nimuba nomulembe abeene nabeene.

Omundu yesi owinjisia omwana omutuutu mulala shinga uno khulwa eliira lianje, yanzinjisia isie; ne ounzinjisia isie, shiyanzinjisia isie ta, habula oyo owanduma.

Okhuba omundu yesi oumuheelesia eshikombe shiamatsi akokhunywa shichila muli baKristo, emusunjila toto mbu shialachweya okhunyoola amatanike nahatuutu ta.

Ne omundu yesi owisichirasia khalala khurutuutu runo oru'suubililanga, bwakhabeele bulayi khuye oluchina olukali lwabohwa mwikosilie, wasukunwa munyanza ario.

Kata imoniyo niyiba niyikhwisichirasia, ochitsomole; neshilayi winjile mubwami bwaNyasaye noli oweimoni ndala, okhushila okhusukunwa muGehena noli netsimoni tsibili