Matsayo 7 থেকে জনপ্রিয় বাইবেল পদ

শেয়ার

Sabe, mulaheebwa; khaabe, mulanyoola; khong'onde, muleekulilwa

okhuba buli mundu ousaba aheebwa; noukhaaba, anyoola; noukhong'onda, aleekulilwa.

Kho buli mundu ouhulilanga amakhuwa kanje kano nakakhola, afwananibwe nende omundu omuchesi owoombakha inzuye khulwanda

Kho kosi aka mwenya abandu bamukholelenje inywe, nineenywe mubakholelenje murio; shichila okhwenokhwo nikhwo akamalako nende abanabii.

Habula eshilibwa neshituutu khandi injila neinyelele ebichooma khubulamu, nababinyoolanga shibali abanji ta.

Mwinjile nimubirila mushilibwa eshinyelele; shichila eshilibwa neshikhongo khandi injila neimbambalifu ebichooma mukhutiba, nababiriIanga mubio nabanji.

Kho inywe abali ababii olwa mumanyile okhubaheelesia abaana beenywe ebihaanwa ebilayi, Seenywe ouli mwikulu shialashila muno okhubaheelesia ebindu ebilayi abo abamusaba?

Murayaasinjia omundu eshiina ta, mbu mana inywe muleshe okhuyaasibwa. Okhuba obuyaasii bwene obwa muyaasilinjia abandi, nibwo obwa mulayaasilibwa; neshichelo shiene eshia muchelelangamwo, nishio eshia mulachelelwamwo.

Ne buli mundu ouhulilanga amakhuwa kanje kano narakakhola tawe, afwananibwe nende omundu omusilu, owoombakha inzuye khumuyeshe

Kata mbushiina nohenganga akhakokha akhali mumoni yowashio, noreetsulilakhwo eshirundu eshili mumoni yiyo? Kata wakhamuboolela orie owashio, mbu Lekha ekhuyinie akhakokha akhali mumoniyo; ne lola, eshirundu eshio shili mumoni yiyo?

Mwirecheshe khulwa abanabii bobubeeyi abamwitsilanga mubiifwalo biamakondi, ne mukari nebisuutse ebihalaba. Mulabamanyila khubiamo biabwe. Abandu banokanga tsinzabibu khubisisia, kata amakhuyu khumarakalu?

Ne nolwa kali, mbu buli musaala omulayi kwamanga ebiamo ebilayi; nebutswa omusaala omubii kwamanga ebiamo ebibii.

Omusaala omulayi shikunyala okhwama ebiamo ebibii, kata omusaala omubii okhwama ebiamo ebilayi tawe.

Buli musaala okuraamanga ebiamo ebilayi ta kuremwa, nikusukunwa mumulilo.