Popular Bible Verses from San Mateo 24

শেয়ার

Xa rmal che kinmir na ri k'ax ku'on nitzel, ik'i mnaq kkaj t chich kib', kkil'oj t chich kib' chikuch. Per chin jun kuch'ij na ast retal echi' kk'is na runjel, jare re kto'taj na rech kuriq uk'asnmal ruk' Dios che ot uk'isik.

Kb'ix na ri utzlaj taq rson chrij ri utzlaj atb'altzij rech Dios chke kunjel jumpa mnaq iy'o chi' chuchlew, rech kunjel kkit'amaj. Tik'ri k'ut qatz ksachtaj uwuch uwuchlew.

Kita rson che xaq paja k'wi nimlaj ch'oj, we chnaj, soq we nqaj, xaq msach ik'u'x, mal nmister che jawa k'antaj na, per jare taj k'isb'al taq ij.

Nk'aj mnaq iy'o chpam jun tinmit, kik'an na ch'oj kuk' mnaq iy'o chpam jun chik tinmit; soq nk'aj atb'altzij itk'al pujlom nk'aj tinmit kik'an na ch'oj chikuch. Kpi na wijal, rich'il kab'rqan chpam k'ilaj taq tinmit. Per runjel wari', xa jeqb'al uxe' k'ax, kpi na mas.

Ri kaj rich'il uwuchlew che kiwil chanim, ksachtaj na uwuch, per ni ntzij in ksachtaj t uwuch, k'antaj na su nb'im chiwe.

Ik'i nk'aj ajsub'nel kipi na che kikkoj nb'i', kikb'ij: “In ri' ri Cristo xchay rmal Dios”, kiche chiwe. Ik'i mnaq kiyiksub'u.

»Tik'ri k'ut kixkjach na ri mnaq pik'ab' nk'aj atb'altzij rech kik'an k'ax chiwe, kixkkamsaj. Xa wmal in, kunjel mnaq chpam runjel jumpa tinmit xa k'ax chik kixkkilo. Echi' k'antaj wari', ik'i mnaq ku'on keb' kk'u'x chpam kkojb'al. Xaq k'ax chik kikkil kib' chikuch, kikjach na kich'il pik'ab' ajch'oj chke. Ik'i mnaq kipi na che xa iyajsub'nel, mal kikkoj kib' che jare ke iyajb'il utzij Dios. Ik'i mnaq kisub'taj na kmal.

Ni Jesús xutzlij ub'ixik chke, xub'ij: —China kwent iwib', rech jala' ot chin jun kixusub'u.

Soq jala ix, nmister che kixk'ask'at ix, rech iyijb'am iwib' echi' kintzlij chnuloq in nAchi nuK'jol Dios, mal kimpi chik chpam un hora echi' kiwi'ej taj.

»Xa rmal, chik'suj iwib' chiwuch, mal iwit'am taj chinchke ij kintzlij loq, in niWjaw.

»Ot jun mnaq rit'am chinchke ij, mowni rit'am chinchke hora k'antjik, su kimb'ij chiwe. Kit'am taj nk'aj ángel iy'o chla' chkaj, mowni wit'am in nuK'jol Dios, jumpa k'antjik. Xaq xaw qaQaw Dios rit'am.

Mal kipi na mnaq che kikkoj kib' che Cristo. Soq kipi na nk'aj chik che kikkoj kib' che ijare ke iyajb'il utzij Dios, y kiyok che u'anik nmaq taq k'utb'al rich'il milagro chikuch mnaq; xa jare kkaj ke che kiyikun che ksub'ik mnaq che iyuchom Dios.

»Sutaq xik'an mnaq ujer echi' k'as qari'jal Noé, soq jala chik k'antaj na echi' kintzlij chuloq, in nAchi nuK'jol Dios. Echi' mja kqaj un nimlaj jab' chuchlew ujer, runjel xik'an mnaq. Kiyitjinik kiktij kwa, kiyitjinik kiktij ksaqli' pujlom kwa, kiyitjinik kik'an nim'ij. Soq xiyik'le'ik y xikya kalk'al pk'ulnem. Jala na kiyitjin mnaq che u'anik ti xok u Noé chpam un arca. Per xiknab'ej taj ti xpi un nimlaj jab' pkijlom, ena xikam kunjel, mal xiji' chpam ja'. Jala na k'antjik echi' kuriq ij che kimpi in, nAchi nuK'jol Dios. Jare ij che kunjel mnaq knikkilo.