Matayo 24 থেকে জনপ্রিয় বাইবেল পদ

শেয়ার

Kwa mbuli za kongezeka kwa ubananzi, wendo da wanhu wengi woholola. Mbali yofunya moyo mbaka hauelelo iyo yonda yaloholigwe.

Mbali kabula ya uhelelo kuvika, uno Usenga Unogile wa ufaume wa Mulungu woliguligwa mziisi zose ili wanhu wose wahulike usenga wa Mulungu.

Mohulika mbuli ya bung'hukila na nongelela ya bung'hukila, mbali sekemgwe fufunhende, manake gago gose golondeka kulawilila, mbali uhelelo ung'hali kuvika.

Wanhu wa isi imwe wolawa kuitowa na wanhu wa isi imwenga, wanhu wa ufaume umwe woitowa na wanhu wa ufaume umwenga. Hata hano na haja hokua na nzala na migudemo ya isi. Gose gago kama chanduso cha usungu wa kuibasula mwana.

Ulanga na isi zobita, mbali Usega wangu haubita mbe.

Manake wanhu wengi wolawilla woilonga iyo Kilisito nao wowagiza wanhu wengi.

“Amala mogogigwa na kudununzigwa na wamwenga wenu kukomigwa. Wanhu wa isi zose wowehileni kwavija mweye mnhogola nie. Kaidi mchipindi icho wanhu wengi wakalile wonitogola woileka kunhogola, wohindukana na kuihila. Wolawilila walagusi wengi wa uvwizi wonda wawagize wanhu wengi.

Yesu kawedikila, “Itinganyeni sekemviziligwe na munhu.

Kwaivo na mweye muitande, kwa vija Mwana wa Munhu kobwela muisaa ija mweye hamuimanyile.”

Baho, muitande, kwavija hammanyile zua diyonda yabwele Mndewa wenu.

“Mbali kwa mbuli ya zua ijo na saa iyo, habule munhu yovimanya, hebu watumigwa wa kwa Mulungu, hebu Mwana wa Munhu, ila Tata yaiyeka iyo yovimanya.

Kwavija wolawilila walagusi wa uvwizi na wanhu wamwenga wolonga uvwizi kua wao kina kilisito. Wosang'hana vilaguso vikulu na uzonza ya kuwakanganya wanhu ihadahika hata kuwavwizila hata waja wasaguligwe wa Mulungu.

Kwavija kama viikalile chipindi cha Nuhu, ivo yonda iwe kwiza kwa Mwana Munhu. Manake chipindi icho, kabula ya bung'hukila kulu da mazi, wanhu wakala woja na kung'wa, wosola na kusoligwa mbaka Noa viyeingile mgati mwa ija ngalawa ng'hulu ikemigwa Safina. Wanhu hawamanyile choni chilawilile. Amala mvula itoa kwa chipindi chitali na wanhu wafa muibung'hukila ya mazi. Mwana wa Munhu honda yabwele, bahaja yolawila mchipindi ichija.