Popular Bible Verses from Márko̱s 6

শেয়ার

A̱ꞌkhue̱n Jesús niꞌthúu̱n: «A̱guwalaꞌ i̱ndo̱ó máꞌ ikháanꞌlaꞌ ga̱jma̱á nindxu̱ꞌ i̱mba̱ janíí, ná ndawi̱in xa̱bo̱, jamí a̱gu̱ya̱a xa̱ꞌlaꞌ mbá lájwíin». Numuu rí phú mbaꞌiin xa̱bo̱ tsí nagóó jamí naguwáanꞌ. Ikhaa jngó tsí naꞌsngúún Jesús, asndo ni tsíyaphii̱n rí mu̱piꞌtsii̱.

Xómáꞌ Jesús niꞌthúu̱n: «Jámbi̱in xa̱bo̱ nduya-makuíí tsí na̱gu̱wíjnga̱a ajngóo Ana̱ꞌlóꞌ. I̱ndo̱ó máꞌ xa̱bo̱ xuajñuu̱, ga̱jma̱á a̱nguii̱n, jamí xa̱bo̱ guꞌwóo̱, tsíya̱-makuíi̱».

Ído̱ nigájna̱a Jesús ná awúun ixe̱-rguwa, ndiꞌyoo̱ rí mbaꞌiin mi̱ndaꞌkho xa̱bo̱ gachúún ikhín. A̱ꞌkhue̱n phú niñáwíin a̱kuii̱n jaꞌñúu̱, numuu rí xómá xu̱kú mogo̱ tsí ndawa̱a̱ tsí na̱ña̱wu̱ún jaꞌñúu̱. A̱ꞌkhue̱n phú mbaꞌa rí nigíꞌdu̱u̱n niꞌsngúu̱n.

Ikhaa jngó ra̱khóo gáꞌnii̱ nimbá rí phú wáá ikhín, i̱ndo̱ó máꞌ niꞌni̱i a̱kui̱ín mbá tikhuun xa̱bo̱ tsí najáñúú niꞌnii̱ ído̱ rí nixkrámii̱ ga̱jma̱á ñawúu̱n. Jamí phú nimakuu Jesús rí tsínimbu̱únꞌ xa̱bo̱ tsúꞌkhue̱n juyáa̱. A̱ꞌkhue̱n ni̱ke̱e̱ gáꞌsngáa̱ mbá nawa̱a̱ ná triga̱ xuajen laka.

A̱ꞌkhue̱n niguatuun Jesús rí mbá witsu guma jamí nájmi̱i i̱gi̱ꞌ, niyaxi̱i̱ mikhuíí, jamí niríguu̱ la gamaku inuu Ana̱ꞌlóꞌ. A̱ꞌkhue̱n nixpíꞌthángaa̱ guma, jamí nixnúu̱ tsí naꞌsngúu̱n rí mu̱xpi̱ꞌtha̱-raꞌee̱ ne̱ ná inúú xa̱bo̱. Mangaa máꞌ niwiꞌthá-raꞌiin nájmi̱i i̱gi̱ꞌ mu̱phu̱ún mbá xúgíin xa̱bo̱. Mbá xúgíin xa̱bo̱ nipeꞌtso asndo ni̱gi̱ꞌmúú. A̱ꞌkhue̱n tsí naꞌsngúún Jesús ni̱gímbúu mbá gu̱wa̱ꞌ i̱jma̱ (12) ixtu gatíí xkuꞌxí rí nipíduun guma jamí i̱gi̱ꞌ.