Popular Bible Verses from Márko̱s 4

শেয়ার

A̱ꞌkhue̱n ni̱tu̱xu̱u̱ꞌ Jesús, nixná-ñájuu̱n gíñá, jamí niꞌthúu̱n ñañuu a̱pha̱: «¡Atatsíñáá! ¡Wíí gáꞌne!». A̱ꞌkhue̱n núkho̱ máꞌ ni̱we̱je̱ gíñá, jamí mbá xúgíí nibáa-wíyuu ná inuu iya. A̱ꞌkhue̱n niꞌthúu̱n tsí naꞌsngúu̱n: «Náá numuu kajngó namíñalaꞌ guéño róꞌ. Xóó máꞌ na̱nguá wéje̱ a̱kia̱nꞌlaꞌ ju̱yo̱ꞌ ráanꞌ».

A̱ꞌkhue̱n i̱tha̱án nimíñúu̱, jamí ni̱ra̱xe̱-mijnée̱: «Tsáa xa̱bi̱i̱ ñajuun tsíge̱ꞌ, rí asndo gíñá jamí iya nanimbo̱o̱ꞌ rí naꞌthán róꞌ».

Xómáꞌ Jesús kri̱ga̱a̱ naꞌgu ná xtuun ixe̱-rguwa, kathóꞌoo mbá xtíin idxu̱u̱. A̱ꞌkhue̱n ni̱xkaxii̱, jamí nitháa̱n: «¡Táta̱ naꞌsngáá! Á tsíxná-gamiéjwaanꞌ rí na̱rmáꞌáánlóꞌ ná awúun iya rá».

Mangaa máꞌ niꞌthúu̱n: «Gu̱ꞌgí máján idxa̱ꞌlaꞌ rí nu̱dxawíínlaꞌ. Numuu rí awan rí nu̱dxawíínlaꞌ ga̱jma̱á, ikhaa máꞌ awan rúꞌkhue̱n gájanálaꞌ rí ma̱fraꞌa̱ꞌlaꞌ, jamí asndo ma̱janálaꞌ i̱tha̱án xóó.

Niꞌthán xóó Jesús: «Xáꞌnii jaꞌnii naꞌthán-ñájúún xa̱bo̱ Ana̱ꞌlóꞌ, jaꞌnii ne̱ xómá ído̱ rí mbáa xa̱bo̱ nastrígo̱o̱ tsíga ná inuu ju̱ba̱ꞌ. Ído̱ wámbo̱o̱ niꞌdu tsíga xa̱bo̱, a̱ꞌkhue̱n nabóo̱ mi̱guii̱ jamí na̱tu̱xii̱ i̱mba̱ mbiꞌi. Xkuaꞌnii nanújngoo mbiꞌi jamí mbroꞌon, a̱ꞌkhue̱n ni tsíꞌyoo xa̱bo̱ xáne najráꞌán tsíga ni máꞌ xáne na̱ka̱-ragaja̱a̱ ne̱.

Xí mbáa gíꞌdoo ñaꞌwuun rí madxawuun, gadxawuu̱n».