Popular Bible Verses from Márko̱s 11

শেয়ার

Ikhaa jngó na̱tha̱nꞌlaꞌ, asndo náá rí gúnda̱ꞌa̱álaꞌ Ana̱ꞌlóꞌ, ga̱nimba̱ꞌlaꞌ rí ni̱drígúlaꞌ ne̱ máꞌ, a̱ꞌkhue̱n ma̱janálaꞌ ne̱.

Numuu rí na̱tha̱nꞌ-jmbalaꞌ, asndo tsáa tsí maꞌthúun júba̱ ríge̱ꞌ: “Araxo̱n ge̱jyoꞌ, jamí ayu gáta̱xpa̱tuáꞌán-mina̱ꞌ ná awúun iya a̱pha̱ ñúꞌún”, xí tsíꞌne a̱jma̱ a̱kuii̱n, jamí na̱ju̱mu̱u̱ rí ma̱mba̱núu rí naꞌthée̱n, a̱ꞌkhue̱n rí ma̱mba̱núu rí naꞌthée̱n xúꞌkhue̱n rá.

Jamí ído̱ juwalaꞌ nu̱tha̱n-jáñíílaꞌ Ana̱ꞌlóꞌ, gu̱ne̱ mba̱a̱ a̱kia̱nꞌlaꞌ ju̱ya̱á xa̱bo̱ tsí niꞌñalaꞌ rí ra̱máján, kajngó mangaa Ana̱ꞌlaꞌ tsí xtáa mikhuíí ma̱ꞌne mba̱a̱ a̱kui̱in jaꞌyalaꞌ ga̱jma̱á numuu aꞌkhánlaꞌ.

A̱ꞌkhue̱n niriꞌña Jesús: ―Ga̱nimba̱ꞌlaꞌ ju̱ya̱á Ana̱ꞌlóꞌ.

A̱ꞌkhue̱n nigíꞌdu̱u̱n niꞌsngúu̱n xa̱bo̱ ga̱jma̱á ajngáa ríge̱ꞌ: «Xáꞌnii ka̱ma naꞌthán ná i̱yi̱i̱ꞌ ajngóo Ana̱ꞌlóꞌ: “Rí guꞌwóꞌ, guꞌwá ná muthan-jáñuꞌ jámbi̱in xa̱bo̱ numbaa ñajuun ne̱”. Xómáꞌ ikháanꞌlaꞌ rá, ni̱ni̱ilaꞌ ne̱ “iñúu itsí ná gatiin ku̱ꞌwá”».

Xómáꞌ xa̱bo̱ tsí nagóó ginuu jamí tsí naguwá tsu̱di̱í nu̱ndxa̱ꞌwe̱e̱ xáꞌnii: «¡A̱gu̱ma-mba̱a̱ Ana̱ꞌlóꞌ! ¡A̱gu̱ma-tsakun-rámaa tsí na̱ꞌkha̱ ga̱jma̱á numuu Táta̱!

¡A̱gu̱ma-tsakun-rámaa tsí na̱ꞌkha̱ gáꞌthán-ñájwanlóꞌ xómá rí neꞌne xi̱ꞌñálóꞌ Dabíd wajyúú! ¡A̱gu̱ma-mba̱a̱ Ana̱ꞌlóꞌ tsí xtáa mikhuíí!».