Popular Bible Verses from 1 Ин 4

শেয়ার

Яратымашты лӱдмӓш уке, а цицмӓш яратымаш лӱдмӓшӹм поктен колта, вет лӱдмӓштӹ парвалымаш улы. Лӱдшӹн яратымашыжы техень кӱкшӹцӹш лӱктӓлтшӹ агыл.

Тетявлӓэм, тӓ Йымы гӹц ылыда дӓ алтанзык пророквлӓм сӹнгендӓ, вет шӱм кӧргӹштӹдӓ Ылшыжы – сӓндӓлӹкӹштӹ ылшы гӹц кого.

Йымы мӓмнӓм анзыцок яратен, седӹндон мӓ Тӹдӹм яратенӓ.

Яратымывлӓэм, ӓлдӓ икӹжӓк-иктӹнӓм яратенӓ, вет яратымаш – Йымы дорц, яратышывлӓ цилӓн Йымы гӹц шачыныт дӓ Йымым пӓлӓт.

Кӱ ак яраты, тӹдӹ Йымым ак пӓлӹ, вет Йымы яратымаш ылеш.

Яратымашыжы теве кышты: мӓ агыл Йымым яраташ тӹнгӓлӹннӓ, а Тӹдӹ мӓмнӓм яратен дӓ мӓмнӓн сулыквлӓнӓм сылен нӓлӓш ӹшке Эргӹжӹм жертвеш колтен.

Яратымывлӓэм, Йымы мӓмнӓм тенге яратен гӹнь, мӓӓт икӓнӓ-иктӹнӓм яратышашлык ылына.

Йымын мӓмнӓм яратымыжы теве кыце пачылтын: Ик Ӹшкет Эргӹжӹ гач мӓлӓннӓ ӹлӹмӓшӹм пуаш Йымы Тӹдӹм сӓндӓлӹк вӹкӹ колтен.

Кӱ «Йымым яратем» манеш, а шӱмбелжӹм ужмыжы ак шо, тӹдӹ алталышы ылеш. Вет кӱ ӹшке ужмы шӱмбелжӹм ак яраты, уждымы Йымым кыце яратен кердеш?

Иисус Йымын Эргӹжӹ ылеш манын ӹнянӹмӹжӹм лыктын келесӹшӹ доно Йымы ушнен шалга, а тӹдӹ – Йымы доно.

Йымы пумы техень шӱдӹмӓшнӓ улы: Йымым яратышы ӹшке шӱмбелжӹмӓт яратышашлык.

Яратымывлӓэм, цилӓ шӱлӹшлӓн идӓ ӹнянӹ, Йымы гӹц ылыт ӓль агыл, шӱлӹшвлӓм тергӹдӓ, вет сӓндӓлӹк вӹкӹ алтанзык пророк шукы толын. Йымын Шӱлӹшӹм [дӓ алталымашын шӱлӹшӹм] тенге пӓледӓ: Иисус Христос кӓпӓнгӹн дӓ эдем семӹнь ӹлен манын, ӹнянӹмӹжӹм лыктын келесӹшӹ каждый шӱлӹш Йымы гӹц ылеш

а Иисус Христосын кӓпӓнгмӹжӹм дӓ эдем семӹнь ӹлӹмӹжӹм лачокеш шотлыдымы шӱлӹш – Йымы гӹц агыл, тидӹ антихристӹн шӱлӹшӹжӹ. Техень шӱлӹш толеш манын, тӓ колында, дӓ тӹдӹ сӓндӓлӹк вӹлнӹ ӹнде улы.