Popular Bible Verses from Марк 12

শেয়ার

Иисус каршезонза мярьгсь: «Сембода оцюсь вага: "Кулхцонтт, Израиль! Азорсь, Шкаеньке, фкя-тяка Азорсь; кельк Азорть, Шкайцень сембе седисот, сембе ваймосот, и сембе шарьхкодемасот, и сембе вийсот". Омбоце кошардомвалсь васенцеть лаца: "Кельк маластоцень, кода эсь пряцень" – ня кафттнень коряс лия сяда оцю кошардомвал аш».

Иисус тердезень Эсь тонафниензон, мярьгсь тейст: «Видеста корхтан тейнть: тя ашу удавась путсь сембода лама сембе лия путыхнень коряс; вдь сембе путнесть вельф козяшиснон эзда, а сон ашушинц эзда путозе сембонц, мезец ульсь и мезе лангс эрясь».

Весть Иисус озась ярмаконь кочкама арзять каршес и ванць, кода ломаттне путнесть эзонза ярмак. Козятнень ёткста ламотне путнесть ламонь. Сась фкя ашу удава, путсь кафта ярмакт, конатнень питнесноль пяле трёшник.

и кельгомс Сонь сембе седисот, сембе шарьхкодемасот, сембе ваймосот, сембе вийсот, и кельгомс маласот эряй-ащи ломанть, кода эсь пряцень – тя плхтаф озксказнеда и лия озксказнеда сяда оцю».

Иисус каршезост мярьгсь: «Максость кесареннеть кесарти, а Шкаеннеть – Шкайти». И пяк дивандасть лангозонза.