Popular Bible Verses from Nfa 15

শেয়ার

Te uza̱ là pa̱, <<A yà pa̱ o gwong achwang pa̱ dakdak kà̱ ìchu aYawe Inan wó, kang o nəm iya̱m va inəna̱n kà̱ mpipyal, o nak achwang kà̱ oga nnap mpakpakpakpak, o kpak nkpaktak oga nɗiɗyang te, mi yà ká̱ nlə̀p wó ká̱ arwa va̱ ka̱ n lə̀p oga aMasar ká̱ ka̱t. Ka̱kul mmami uYawe uva tàn wó.>>

UYawe uwa nggwanggwang mi nkamkam, kang uwa nka̱mshi irirì mi. Inan mi yà ta̱, kang mi shep na, Inan apo mi, mi rup ka̱ na.

Uda wa nji ɓu, áYawe, ka̱ ashe oga inan yà? Uda wa nji ɓu, ká̱ ichumchum iga iyə́ryər, uga nəm ayə́r uva yə́l ká̱ ashep, uva i nnəm iya̱m iga nɗaktak yà?

Ka̱ ashe mma̱n ɓu ngga nnandər u ləp mpyal ónəm va̱ u fa ká̱ oza̱, ká̱ ìkàm u pángchí oza̱ ka̱ atak ntəm ɓu ayə́ryər.

Oza̱ ɓa aMara te, ndədəng ma̱t oza̱ kà̱ ngwa ka̱kul á ɗuɗul. Te onəm lwang nnap ka̱ apal áMusa, i là pa̱, <<Iza̱ í wá yà?>> Te uza̱ yə́ng ûYawe kang uYawe nyám ìkun iro á na. Uza̱ kakchi mandar ka̱ ashe ndəng te, ndəng chàng. UYawe nak nnap nnəm óza̱, kang uza̱ ma oza̱ ka̱ ta.