Popular Bible Verses from Matiyu 7

শেয়ার

“Nye e bgó mò a zǝn Ehwya, ga no nye. Nye e nda, nya ben, nye e kǝn bu, ge fki a gwa nye tafǝmo.

Egwa egwa e bgó mò, be no ye anga, egwa egwa e nda be mò, ben anga, ngge ende e kǝn bu anga, be fkigwa ye tafǝmo hon anga.

“Egwa egwa e fo be fwa mam ena, n bwe mò a be fwa hon jan anga, a no abu ya moembwem engganggaton, éè mbwe àtá mbwe no a chu ten echakpokpo ángá.

Enona, adi egwa egwa mo mò, nye e bwe be nobǝ efki abu nye dgyan be e bwe nye ángá. Adia eni no tén engà mo binbin mo mò, a edon a Ehwya è no Mosa, ngge be fwa a be efojan ekpe ekpe è jan ángá.

Tea fǝtsǝmo hon e du be nobǝ kwa anga adi nya ángá no efifafa, ngge efǝ mo nó no ekpodwadwa. Be ya e swa efǝ hon anga, fí be ra.

“Nye e kwa e shi a tswa zǝnotì mo Ehwya chá fǝtsǝmo efifafa. Adia fǝtsǝmo nwone e no enggwanggwa ángá, efǝ mo nó fwa ye ekpodwadwa ra, n du be nobǝ kwashi anga adi fǝ. Be ya e kwashi anga chá zǝn ángá no embo.

Ano a nye be ya ebgen, nye yi abu nya dwe mbǝgya mo nye edwe esese m̀ mo nye, Ate nye e no a kpe ángá, a dwe ye be ya e bgó ye mò anga edwe esese ra?

“Nye e kpèn nye nobǝ efki kǝ́n ra, afwa Ehwya a kpèn nye kǝ́n. Adia abu nye kpèn be nobǝ kǝ́n anga, enò Ehwya a kpèn nye kǝ́n gaten. Yishwa mombwamo a nye ti mbwà be nobǝ anga, a ge hon nwone Ehwya ti a mbwà nye ángá.

Tea egwa egwa e fo fwa mam ena n bwe ye mò a fwa hon jan anga ra, a no abu hwen, è mbwe àtá mbwe a chu akwabǝ ángá.

“Ano bwe a ge, o di tumochin e no tswa fǝzǝn mo nwenjin o, tea o ká mbo ekǝntumo e no tswa fǝzǝn mbo ángá ra? Bwe engǝ wa jan, ‘Nwenjwa, me e ti e vǝ́ o tumochin e no o a fǝzǝn mbo,’ tea o gwa ara ekǝntumo e no a fǝzǝn mbo ángá?

“Nye bgeshi fǝzǝn a chu be efojan fwafe, ya e bwa a zǝn nye abu be son, ya e dì be ende akan ju anga ra. Tea chá tswa, ba be kwàkpan esera ya a gu nye ángá. Nye di a yi be a chu be mò a be bwe anga. Be nobǝ a bga be ga mo tu enabi a ju tu evi ra, efki ra, be ga mo tu engǝtsǝn a ju tu san-ekǝn.

Ba anona, egwa egwa mo tumo esese gwa anga ga esese, tea tumo esera gwa anga ga esera.

Tumo esese a gwa ye ga esera ra, tumo esera a gwa ye ga esese ra gaten.

Egwa egwa mo tumo e gwa ye ga esese anga ra, ba sen nó a twa a fǝ̀.