Popular Bible Verses from Matsiyù 5

শেয়ার

Mòò to na fìtsina dzu wɔɔ̀, è gè kuu à kùùn waa. À y'à tsùɔ fìtsìnà tsuuma nɔ̀n nì, à vyeè yè bo gbàdòùndzin neè sapɛ re. Tɔ̀ soo tsuru, ye sa raa vyevyeè yè bo mòdzian rè, yè bà ni ye faadzii wuu reè jà, yè tsoo dzi ɲɛn ye Fàà tsɛ, tɔ̀ riì ni jìrànxɔ rɔ̀n.»

Ye rìì dziɲaan vyevyeè. Wɔ̀ rìi tsùuŋnà jèn tsɛ, tɔ̀ na dzia mɛnɛn waa.

Nìì reè duùn fyɛɔ, twɛy raa wùbeu, kàtsu, è nà Ŋaablà ja.

Terenbee dzuà ko à mìnoò ni nìì reè rà, twɛy raa wùbeu, kàtsu è nà cɛn.

Ŋà, mun nì ci e ra, ye ɲan rèè kɛ̀n. Nìì reè yè e kuun'n kuru ɲaan faa, ye Ŋaablà mafyɛ̀n twɛy rè.

«Nìì reè y'à jàa ye gbaɔ̀ Ŋaablà kajaa tsɛ, twɛy raa wùbeu, kàtsu Ŋaablà re Màsàbee twɛy rìì laa.

Nìì reè y'à gaa jaancin yè bà ni, twɛy raa wùbeu, kàtsu, è nà kiri Ŋaablà dzin ì.

Nìì reè vunuun kɔɔ̀n, twɛy raa wùbeu, kàtsu Ŋaablà nà è vunun cin.

Nìì reè xɔn bìiŋnà terenbee yè bà saabu, twɛy raa wùbeu, kàtsu, Ŋaablà re Màsàbee twɛy rìì laa.

Nìì reè màtsur'la, twɛy raa wùbeu, kàtsu, Ŋaablà sa nà màtsuru è ra.

Mòdzian ye ba ye ɲɛ̀ɛn, yè ye byɛn, yè ɲanbee kaatsià sapɛ doò wɔ ye ra mun kamà, ye raa wùbeu. Ye e taama dzibe, taamadzibe brìsi ka, kàtsu, ye nà bàràji bla tarà Ŋaablà re. Kɛɛra niì reè dɔ̀n bou ye jɔun, è twɛy sa byɛun tɔ̀ rii tsuru.

Nìì reè vunun ma dzi, twɛy raa wùbeu, kàtsu, è nà dzɔ̀nxɔɔ̀ tàrà shɛn.

Ye rìì dziɲaan kòo. Kòo to ye maà, fee soo dzia à sèè dzibe kɔn ? Àwà, à na gèsɔn wùbee tɔ̀un dɛ, fɔ è maa da rɔn mòdzian y'à tɔ̀rɔ̀ e san dzuun.

Àwà, ye bà mòdzin dziitsyɛunma ì, a ci ye Fà rìi ni jìrànxɔ rɔ̀n, tɔ̀ dzii tsyɛɔ̀n nìi tsuru.»

E re ɔ̀ɔn ye bà ɔ̀ɔn, ɔ̀ɔɔn ye bà ɔ̀ɔɔn, dzyee gè o ge bàa tɔ̀ tɛ̀y, tɔ̀ sapɛ boò Sùtana ɲan.

Àwà, y'a myɛun, ci à dèu ci: "E mòò jaa ci, a sa raà yè ci. E mòò ɲin kɛɛy, a sa raà yè kɛɛy." Ŋà mun nì ci e ra, mòò riì y'à gaa wò yeè ɲaan fa a ra, maà a gɔn à ra waa. Mòò ye sitaa zhɛ a sirama sia tààkuàn ɲàn, soo sa tsuù à re.

Àwà, sani a sirama sia rè jaadzian yè bà saabu e gooɲaantsii tarà, à kwey bo, a maa jeenà. E fɔn a gɔɔ̀n gàne soo ɲan, tɔ fyan a ko e kur'la yè bè jààndaman. Sani a sirama sia to yè bà ni ba saabu e gooɲaantsii tarà, à kùnùn bo, a maa jeenà. E fɔn a gɔɔ̀n gàne soo ɲan, tɔ fyan a ko e kur'la yè bè jààndaman.