Popular Bible Verses from Lomu 6

শেয়ার

Laso anu ane. Loxo itema uxaxai no anu susu, la lapesou ane solisi. Ia Mosinge uiaiama noxinge so lexe taxolu noxou Kalaisiti Iesua anu Tatana­nenge, la tano'u mauli kaluxu uasi.

Vaimomo 'o ne susu anu tata­nangengi uasi, xo ngingi ngaxolu no laxu lo uasi. Ngaxolu no anu iaiamasi.

Mukeleninenge no anu soli noxou axone laso no voxo e mi'asixu la nenge kalumo loxo teai no lulu ne. Xe mune'e xe no anu xavi tatila noxou Mosinge anu Maminge la anu mutulusou Kalaisiti no anu soli. Laso axone la nenge kalumo tetulu mo tamo­momo so taxolu no anu mauli alavua.

Mo mamu so nga'italonu vasimenge pa'upa'u­sou no anu susu so uxalixu ili'ilixo masua no anu. Nga'oxo axone uasi, nga'oxo aloxo 'o. Ngapilixingengi noxou Mosingesi xo anu molu mupamaulingengi no anu soli. Ngapilixingengi noxou so anu molu upamuxanu vasimenge pa'u­pa'usou so uxalixu ili'ilixo male­malenga no anu.

Xo aloxo 'o. Nenge telavu lexe no voxo Kalaisiti mulili musoli no ovu valautu la tava'u susu no vasimenge mulili ne kalumo. Mulili ne la xavi no anu susu no vasimenge a musoli mo mukalu ne. Laso nenge tamitemaou susu mo so upalupalusinge vitanisila uasi.

Xe axone kalumo la ngingi opongengi ututulu lexe ngesoli mo ngekalipala no anu susu mukalu. Ia no anu mauli noxinge, la ngingi ngaxolu noxou Kalaisiti Iesua laso opongengi vilesisi noxou Mosinge.

Laso axova? Nenge talavu lexe iaiama ne uua'ulixu susu axone. Laso nenge tasusu tasususi so u'oxonu iaiama noxou Mosinge utelai? Uasi to! Nenge tesoli la tekalipala no anu susu mukalu. Laso nenge taxolu mo tasusu xo ma'ia?

Loxo ngavikala axone la ngalavu laixe uasi ane. Xo aloxo 'o. Loxo tamitema ipilixine'i noxou itema vile so imulinu vaikalaou kitukitu la ane'i tamitemaou ane. Mo axone kalumo loxo tamitema ipilixine'i so imuli­mulinu susu la anu upamuxane'i mo ili'i la ulaixi'a no anu soli. Ia loxo ipilixine'i mo ilomuxu Mosinge la ane'i ixali tamale­malenga no iou.

Ia eni a'itinu Mosinge ualasou noxinge, xo tatei la ngingi ngexolu tamitemaou susu mo so mupamu­xangengi. Ia mune'e xe Mosinge mupala'anixu vaikalaou noxinge la ngingi opongengi mukasou lexe manina. Laso anu mu'ume­ngengi no anu xavinu susu. Mu'umengengi axone laso vai­momo 'o ilixo malemalengasi u'uli laxungengi.