Popular Bible Verses from 1 Kolini 5

শেয়ার

Ekaukavu mulai noxinge ne so evikalasi'a ane'i ane ngamoxo'a lexe tavivinge no anu lopala ia loxo opone'i ututuluou ilixo aloxo 'o. Opone'i ututulou ilixo nuni'u o isu'isu o so i'itinu momosi'a kalavoi o isu'asu'anu anaxa'a o utotomu isipaki o ipakali. Tamitema axone la mamu so ngoli'a ngapitapita o so ngaxolu nga'ani uasi.

Laso ngaxexenu isiti teinu e susu no taingengi mo so usu'asou mua­mua'i noxingela uasi. Nga­mua­mua'i no anu xoluxolu alavua mo laixe ane ngexalisou mukalu. Anu manina, xoluxo­lungenge alavua ne a loxo pileti ane isisitisou uasi. Xo Kalaisiti mupi­lixinu maulixu singe so ngaxa­lisou xoluxolu malema­lenga ne mukalu. Anu loxo tasipisipi ane Taiuta ilavusou ive'a so isoso­vosou lavilelu so Muala­si'a.

Loxo elemolu. Vaikalaxeli ne so si'a tamitema noale no anu pita noxou Tata­nanenge uasi. Xo axova, anu xaixai noxilo so atilovosi'a? Uasi to! Ia ane'i tatemanu pita noxou Tata­nanenge la axova so ngingi ngati­lovosi'a uasi? Ane'i ane noale ne Mosinge molu utilovosi'a. Ia loxo Mosinge vaikalaou ulemolu lexe, “Itema masua no taingengi la ngingi menge ngakusaou uxolu va'axu noxinge.”