Popular Bible Verses from Johaneb 13

শেয়ার

O ta ge nēsi ǀasa mîmā-e ra mā du: ǀNamgu re. Tita ge ǀnam du i khami sadu tsîna ǀnamgu re. Sadu ǁîǃnābe ūbagu hâ ǀnammi aib ge ǃhūbaiba nî mûǂan, ti ǁkhāǁkhāsabedu a ǃkhaisa.”

Tita, sago di ǃKhū tsî ǁKhāǁkhā-aota go sago di ǂaide ǁās ǁkhās khami go ge sago tsîna ǂaide nî ǁābagu. Dī go nîga ta go aiǁgau-e mā go, xuige tita goro dība go khami dī re.

Ob ge Jesuba ge ǃeream bi: “Sats ge nēsi ǁnâuǃā tide tare-i ǃaroma ta ǁnāsa ra dīsa, xawets ge ǀguitsē nî ǁnâuǃā.”

Amase, amase ta ra mîba go, ǃgāb ǁîb di ǀhonkhoe-i xa kai tamas ǁkhās khamib ge sîsabeba ǁîba ge sîb xa kai tama hâ.

ǀKhaehe go ge hâ nēna go ga dīo.

Ob ge tāba xu khâi, ǂamsarab âba ǂgaeǂui, ǀomsenǃkhaiba ǁîb kamanab ai ǃgae, tsî ǁgam-e ǁāsenǃnâǃore-i ǃnâ ge ǂnâ. ǁNās khaoǃgâb ge ǁkhāǁkhāsabegu ǂaide ǁātsoatsoa tsî ǁîb kamanab ai ge hâ i ǀomsenǃkhaib ǀkha gere ǀomǂnâǂnâ.