Popular Bible Verses from मत्तय 12

শেয়ার

आणि मी तुमले सांगस, कि ज्या-ज्या रिकाम्या गोष्टी लोक संगतीन, न्याय ना दिन प्रत्येक गोष्ट नि लेखा देतीन. कारण परमेश्वर न्याय करीन आणि एक व्यक्ती ले तेना द्वारे सांगेल शब्दस मुळे निर्दोष घोषित करीन, तो न्याय करीन आणि एक व्यक्ती ले तेना द्वारे सांगेल शब्दस मुळे दोषी घोषित करीन.

तुमी विषारी सापस्ना पिल्लास्ना सारखा शेतस, तुमी वाईट हुईसन कसा चांगला गोष्टी सांगू सकतस? कारण कि जे मन मा भरेल शे, तेच तोंड वर येस.

एक चांगला माणुस एक चांगला मन ना खजाना मधून चांगली वस्तू उत्पन करस, आणि एक वाईट माणुस एक वाईट मन ना खजाना मधून वाईट वस्तू उत्पन करस.

एनासाठे मी तुमले सांगस, कि माणुस ना सर्व प्रकार ना पाप आणि निंदा परमेश्वर त्या लोकस्ना पापस्ले माफ करी दिन. पण परमेश्वर नि आत्मा ना बारामा निंदा करीन, माफ नई करामा येवाव.

जर एक झाळ चांगला शे, त तेना फय बी चांगला राहीन. कदी एक झाळ खराब शे, त तेना फय बी खराब राहीन. कारण कि झाळ फयच कण ओयखामा येस.