A-ROMA 8 থেকে জনপ্রিয় বাইবেল পদ

শেয়ার

Alioze tunanyingika, kuli waze akuzanga Zambi, yuma yeswe kuyakulinga hamuwika ha yipema, te kuli waze hanaatambika nikulita ni upale wenyi.

Mumu ngunakunuka ngwami, Chipwe kufwa, chipwe mwono, chipwe angelo, chipwe yiyulo, chipwe yuma ya haliapwila, chipwe yuma yize muyizaho, chipwe tachi, chipwe usuku kwilu, chipwe usuku kushi, chipwe chuma chikwo chize atangile, nichimwe muchihasa kutuhandununa ku zango lia Zambi lize lili muli Kristu Yesu Mwene wetu.

Chizechene Spiritu nawa kakukwasa ulelu wetu: mumu kutwanyingikine kulemba ngwe chinalite; alioze Spiritu iye mwene kakutuhakwila ni mikuma yize keshi kuhasa kuyihanjika

Kuchi mutwamba ku yino yuma? Ngwetu, Kachi Zambi mapwa hamwe ni yetu, iya malimika ni yetu?

Kashika uhiso wakuhi niumwe haliapwila kuli waze ali muli Kristu Yesu.

Mumu kunyonga cha musunya, kufwa; alioze kunyonga cha Spiritu, mwono ni uhwimino.

Ngwetu, Ka, ha yino yuma yeswe twakuhiana kukumba ku tachi ja yoze waazangile.

Mumu nakunyonga ngwami, Lamba lia mwakono kuliatelele kulieseka ni uhenya uze makausolola muli yetu.

Iya matuhandununa ku zango lia Kristu? Ngwetu, Luyinda, hanji kupinda, hanji yihungumiona, hanji kapunga, hanji uvu, hanji Utoji, hanji katana, nyi?

alioze yoze wakuhengula mu mbunge, kakunyingika chize chapwa kunyonga cha Spiritu, mumu kakuhakwila asandu nikulita ni upale wa Zambi.

Mumu eswe akuzeya kuli Spiritu ya Zambi, e ana a Zambi wano.

Mumu waze akulita ni musunya kakunyonga yuma ya musunya; ni waze akulita ni Spiritu kakunyonga yuma ya Spiritu.

Yoze kaywilile keke Mwanenyi mwene, alioze wamukunjikile hali yetu eswe, ngwe kuchi kechi katwaha hamwe nenyi yuma yeswe chawana?

Spiritu iye mwene kakushindakenya hamwe ni Spiritu yetu, ngwenyi, Nuli ana a Zambi. Nyi kachi tuli ana, kachi tuli maswana ja Zambi ni maswana-ni-akwo a Kristu; kachi chamwenemwene mutwivwa lamba hamwe nenyi, hanga tukapwe ni uhenya hamwe nenyi.

Mumu kunyonga cha musunya, kole kuli Zambi; kuchishi kuzeyela ku shimbi ya Zambi, mumu chipwe chamwenemwene kuchishi kuhasa kuzeyela

Mumu kutalatala cha yeswe ya hashi kuchakulawoka usolwelo wa ana a Zambi.

Mumu tunanyingika yuma yeswe ya kutanga kuyakutwa mikuma ni yikola hamuwika ndo haliapwila.