Popular Bible Verses from Kufuma 32

শেয়ার

Na wekinawone wandu ti Musa eshesha kusea na nduwi, wandu wakamwunganyikia Harun, wakamburra, Wuka, utuarehie maizuwa, maturongorie, amu Musa uu, mundu etukweja kufuma isanga la Misri, totumaije nikini chamgura.

Mzuri akamburra Musa, Tonga, usee; amu wandu wako uwang’olie ghati ya isanga la Misri, wanyamara: Wagharuka wangu‐wangu kufuma nzia niwaaghanyie: wakuarehia ndama ichangaruke, wakaiomba, wakaitasa, wakaghamba, Nimo maizuwa mako, Israeli, wekukweja kufuma isanga la Misri.

Harun ekinaiwone akajenga kisiko msongorana wakwe; Harun akaaghanya, ekiteta, Yawo itasi hena Mzuri. Wakawuka kerre heyawo, wakang’ola matasi ma kushota, wakaete matasi ma luworo; wandu wakaikaa si wale na wanye, wakawuka waseke.

Ikaoka heyawo, Musa akawawurra wandu, Kuketa mwaketa ng’oki mbaha: na ngeriaha ninemkweiya Mzuri; ngea nineareha lukundanyo hena ng’oki yenyu.