Popular Bible Verses from ሮሜ 8

শেয়ার

ጾ̈ሳ̇̇̈ ካዛንብኬ ኢ ቆፊንዲፌ̈ን ጼይጊንቲ̇ኖ ኣሳንቦ ጾ̈ሳ̇̇̈ዲ ዎይ ባዝ ኢንታ̇ብ ኮሻ̇ብ ኦ̈ዚን ኑ ኤሪ̈ሬ።

ዪ̈ኮታ̇ቦ ዓይቃር ማ̈ቆ̇፣ ሼምፓባር ዶኣዚንዳር ማ̈ቆ̇፣ ኣፎ ኪ̈ታንቻ̇ንር ማ̈ቆ̇፣ ኢ̈ታ ኣያ̇ናንር ማ̈ቆ̇፣ ዓት ዎዳር ማ̈ቆ̇፣ ቢርት ጊዳክ ዬይዛ̈ዳር ማ̈ቆ̇፣ ዎልቃባሮ ባዛንር ማ̈ቆ̇፣ ኣፋ ሾክ ጌይኖ ቤሳ̇ር ማ̈ቂ̇ን፣ ሳ̈ዳ̇ ሳ̈ዝ ጻናር ማ̈ቂ̇ን፣ ጾ̈ሲ̇ ኮቺ̇ኖ ባዝ ዎይዳር ማ̈ቂ̇ን ኑ ኑ ጎዳ ዬሱ̈ስ ክርስቶ̈ሳባር ዲጚኖ ጾ̈ሳ̇ ካንን ጋልዳፖ̇ ኑ̈ና ፋጋንዳብ ዳንዳ̇ኢዝ ባዚ ኣባካር ባዮ̇ን ታ̈ኒ ኮሺንቻ̇ ኤሪኔ።

ዪና̇ ኢዝፌ̈ኒ ኑ̈ኒ ዎዛርፌ̈ን ዎ̈ሳ̇ንዳብ ኮሺ̇̈ርኮ ኤሪባ̈ሶኮታ̇ቦ ጌ̈ሻ̇ ኣያ̇ና̈ዲ ኑ ዳቡርሲ̇ን ጋርታ̇ ኑ̈ና ማዲ̇̈ሬ። ኣሳብ ዓኖ̇ ጋ̈ር ሶ̈ላንዳ̇ብ ዳንዳኢባ̈ሶ ጎይባራ ኑ̈ብ ጌሺ̈ሬ።

ዪዚ ባዝ ዓኒኮታ̇ ኑ ኣብዝ ጋ̈ኔ? ጾ̈ሲ ኑባር ማ̈ቄ̇ጌዪን ኦ ኑ̈ና ጋማንዳ ዳንዳኢ̈ራ?

ዪ̈ኮታ̇ቦ ዬሱ̈ስ ክርስቶ̈ሳ ኣማ̇ኒኖ ኣሳን ዓት ጾ̈ሳ̇ ፊርዳ ኢንታ ጋልዳ ባዬ̇።

ኔ ኣሲቲን ኔ̈ክ ጋ̈ዝ ባዚምቦ ሙታ̇ ቆፓ̇ዚንዳ ኔ̈ክ ዓይቃ ኤካ̇ ዬ̈ሬ፤ ጌ̈ሻ̇ ኣያ̇ና ባዝ ቆፓ̇ዚንዳ ሼምፓኬ ሳሪቲ ኢማ̈̇ሬ።

ዪዚ ኑ̈ኒ ኑ̈ና ካኖ ክርስቶ̈ሳባራ ባዛን ዪን ዎይ ጋማሪ ጋሚ̇ዝ ኣሳንፖ̇ ሺ̈ሬ።

ኑ ዓት ኤኪ̇ዝ ሜታ̇ን ጊዳክ ኑ ዲጛዝ ቦንቺ̇ምባር ካሚሳምባራ ኣባካር ጌዪን ዎልኣ ዬላ̇ንዳብ ዳንዳኢባ̈ሴ ጌያ ፋይዳ̈ሬ።

ክርስቶ̈ሲ ኑ̈ና ካዚን ጋልዳፖ̇ ኦ ኑ̈ና ፋጋንዳብ ዳንዳኢ̈ራ? ሜ̈ታቤ ዎይ ዋ̈ያ? ዳስ̇ቤ ዎይ ጋፋ? ዎይ ካሊቲቤ? ቆፓ̇ካ̇ይ ዬሊ̇ዝ ኢ̈ታ ሜታቤ ዎይ ማሻ̇ባር ዓይቃ?

ጌ̈ሻ̇ ኣያ̇ና̈ዲ ኣማ̇ኒኖ ኣሳ ጊሽ ጾ̈ሳ̇̇ ቆፊንዲፌ̈ኒ ጌ̈ሺ̇ዛኮታ̇ቦ ኣሳ ቡ̈ዳ ቤቂ̇ዝ ጾ̈ሳ̇̇̈ዲ ጌ̈ሻ̇ ኣያ̇ና ቆፊን ኣብዝኮ ኤሪ̈ሬ።

ጾ̈ሳ̇ ኣያ̇ናባር ቲ̈ኒንቲ̇ዛን ዎይ ጾ̈ሳ̇ ናኤ።

ፌ ኮዪኖንዲፌ̈ን ዶኢዛን ፌ ኮዪኖ ባዝ ቆፒ̇̈ሬ፤ ጌ̈ሻ̇ ኣያ̇ና ኮያዚንዲፌ̈ን ዶኢዛን ኣያ̇ና ባዝ ቆፒ̇̈ሬ።

ጾ̈ሲ ፌ ናኣ ፔታ̇ና ኢ̈ብ ሚጪንታ̇ካይዶር ኑ ዎይንኮታ̇ቦ ኢያ ኣ̈ ኢሚ̇ኖ̈ዲ ሜላ ባዝ ዎይ ዎዛርፌ̈ን ሜላ̇ ኑ̈ብ ኢሚ̇ባ̈ሳ?

ጾ̈ሳ̇ ኣያ̇ና̈ዲ ኑ ኣያ̇ናባር ዎልኣ ማ̈ቃ̇ሪ ኑ̈ኒ ጾ̈ሳ̇ ናኢ ማ̈ቂ̇ኖን ኑ̈ብ ማርኪ̇ቲ̈ሬ። ዪዚ ኑ̈ኒ ጾ̈ሳ̇ ናኢ ማ̈ቄ̇ጌዪን ጾ̈ሳ̇̇̈ቦ ዎን ኑ̈ናር ኤኪ̈ሬ፤ ክርስቶ̈ሳባር ዎልኣ ኤኪ̇ሬ፤ ዓት ኑ̈ኒ ክርስቶ̈ሲ ኤኪ̇ዝ ሜቲን ኤኪ̇ዛን ማ̈ቄጌይን ዎሃ ኢ ቦንቺ̇ንዳር ኤኪ̇ዛን ማ̈ቂ̇̈ሬ።

ኢ ኣሲቲን ኢ̈ክ ጋ̈ዝ ባዚምቦ ሙታ̇ ቆፒ̇ዝ ኣሲ ጾ̈ሳ̇ ሂጋ̇ቦ ኪ̈ቲ̇ንቲባሶኮታ̇ብኬ ኪ̈ቲ̇ንታንዳቦ ዳንዳኢባ̈ሶኮታ̇ቦ ኢ ጾ̈ሳ̇̇̈ቦ ጻላታ።

ጾ̈ሲ ኮቺ̇ኖ ባዚ ዎይ ጾ̈ሳ̇̇ ናኣን ኬስካ̇ር ቤንታ̇ዝ ጋላሲ̇ን ጴች ሹ̈ናባር ና̈ጊ̈ሬ።

ኮቺ̇ንቲ ዎይ ዓኖ̇ ዬላ̇ር ማጮ̇ ዬላብ ጋርስ ቂንቲዛ̈ዲፌ̈ን ማ̈ቃ̇ሪ ኢንጺጽ ጋልዳ ዎን ኑ ኤሪ̈ሬ።