Popular Bible Verses from ዋ̈ኒ̇ሳ 14

শেয়ার

ታ̈ኒ ሳሪቲ ዪንታ̇ ቡ̈ዲን ጋርታ̇ ዶኣምፔ̈ን ዎታንዳ̇፤ ቴ ቴ ሳሪቲን ዪንታ̇ብ ኢማ̇ንዳ፤ ቴ ዪንታ̇ብ ኢማ̇ዝ ሳሪቲንዳ ኣላሚን ዪንታ̇ብ ኢማ̇ዚንዲፌ̈ን ጊዳካ̇ዬ። ዪንቲ ጫና̇ቂንታ̇ፒ̇ቴ፤ ማ ኢጫፒ̇ቴ።

ዬሱ̈ሳሬ ኢ̈ኮ “ኣሳቦ ኪንን ቤይሲዛ̈ዲኬ ሼምፓ ኢሚ̇ዝ ጎይ ታ̈ና፤ ቴ ባጋ̇ባር ማ̈ቃካ̇ይ ኣቴጌይን ሜላ ኦ ጎይባርካር ማ̈ቂ̇ን ቴ ባ̈ባ̈ኮ ዬይዝ ኣሲ ኦ̈ናካር ባዬ̇።

ዬሱ̈ሲ ፌ ታማራንኮ “ዪንታ̇ ቡ̈ዲን ጫና̇ቂንታ̇ፖጋ̈ቤ፤ ጾ̈ሳ̇̇̈ባር ኣማ̇ኒንቲብቴ፥ ማ ታ̈ባራር ኣማ̇ኒንቲ̇ብቴ።

ቴ ባ̈ባ̈ዲ ቴ ሱምባር ሚሺዛ ሚንዛ ጌ̈ሻ̇ ኣያ̇ና̈ዲ ኢ ዎይ ባዝ ዪንታ̇ ታማ̈ሪሲሬ፥ ቴ ዪንታ̇ብ ሶ̈ሊኖ ባዛን ዎይ ዪንታ̇ብ ኤልቅ ዎቲ̈ሬ።

ቴ ኪ̈ቲን ሲስኪ̇ዛዲኬ ሲስኪኖን ኦ̈ሳ̇ ጋልዳ̇ ፌ̈ሺ̇ዝ ና̈ሳ ዪ̈ዳ ታ̈ና ካዛ̈ዲ፤ ታ̈ና ካዛ̈ዳ ቴ ባ̈ባ̈ ኢያ ካ̇̈ሬ፤ ታ̈ናር ኢያ ካ̈ሬ፤ ማ ቴ ታ̈ና ኢ̈ብ ኤሪሳ̈ሬ” ጌይዴ።

ታ̈ኒ ቴ ባ̈ባ̈ ጌሻንዳ̇ ኢያሬ ሜናብ ዪንታ̇ባር ዶኢዝ ሜላ ዪንታ̇ ሚንዛዳ ዪንታ̇ብ ኢሚ̇ሬ። ኢያሬ ጾ̈ሳ̇̇̈ዲ ኢ ኪን ኦ̈ናኮ ኣሳብ ኤሪሲዝ ኣያ̇ና፤ ኣላማ ጋልዶ ኣሳን ኢያ ቤቃካ̇ዬ ማ ኢያ ኤሪባ̈ሶኮታ̇ቦ ኢንቲ̇ ኢያ ፌ ቡ̈ዳ ጋርታ̇ ኤካ̇ንዳብ ዳንዳኢባ̈ሴ፤ ዎቲናካሬ ዪንቲ̇ ኢ ዪንታ̇ባር ዎኮታ̇ብኬ ዪንታ̇ ጋርታ̇ ዶኣዚንኮታ̇ቦ ዪንቲ̇ ኢያ ኤሪ̈ሬ።

ባ̈ባ̈ዲ ፌ ናኣ ጎይባራ ቦንቺ̇ንታምፔ̈ኒ ዪንቲ̇ ቴ ሱ̈ምባር ጌሺዝ ባዝ ዎይ ቴ ዪንታ̇ብ ኦንዳ። ዪንቲ̇ ዎይ ባዝ ቴ ሱምንባር ጌሼጌይን ቴ ዪንታ̇ብ ኦ̈ንዳ” ጌይዴ።

“ዪንቲ̇ ታና ካርኮ ቴ ኪ̈ቲን ና̈ጊብቴ፤

ታ ባ̈ባ̈ ኣ̈ል ዶኢዝ ኬ̈ ዎይሊን ዎ፤ ቴ ዪንታ̇̇ቦ ዶኢዝ ቤስ̇ ጊ̈ጊሳንዳ̇ቦ ሉካ̇̈ሬ፤ ዪ̈ባይኮ ዎኒ ቴ ዪንታ̇ብ ሶ̈ላ̈ርዶ̈ን።

ቴ ሉካ̇ራ ቤሲ̇ ጊ̈ጊ̇ሲኖፖ̇ ዓኒ ዪንታ̇ክ ማ̈ቃ̇ ዬ̈ንዳ̇፤ ማ̈ቃ̇ ዬ̈ራ ዪንቲ̇ ታባር ዎልኣ ዶኣምፔ̈ኒ ቴ ዎ ቤሲ̇ን ዪንታ̇ ኤካ̇ ሉካ̇ንዳ̇።

ቶ̈ማ̈ሲ ኢ̈ኮ “ጎዳ̈ዶ! ኔ ሉካ̇ዝ ቤሲ̇ን ኑ ኤሪባ̈ሴ፤ ዪዚ ጎይሚን ኑ̈ኒ ዎዛ̈ርታር ኤራንዳ̇ብ ዳንዳኢ̈ራ?” ጌይዴ።