Popular Bible Verses from ሃዋ̈ 2

শেয়ার

ጴ̈ጥሮ̈ሳር ኢንታ̇ኮ “ማ̈ሪቲ ጌሊብቴ፤ ዪንታ̇ ናጋራ ዪንታ̇ብ ኣቶ̇ ጌዪንታ̇ምፔ̈ን ዪንቲ̇ ዎይን ዬሱ̈ስ ክርስቶ̈ሳ ሱምባር ጻማ̇ቂንቲ̇ብቴ̇፤ ጾ̈ሲ̇ ዪንታ̇ብ ጌ̈ሻ ኣያ̇ና ኢሚ̇̈ሬ።

ኢንታሬ ሃዋ̈ራታን ቲሚርታ ሲስኪ̇ሙታ፣ ዎልኣ ፔታ̇ን ማ̈ቃር ዶኢ፣ ሞ̈ዝ ፊሺንዳር ዎልኣ ሙዪ ማ ዎ̈ሳባራር ዎይ ዎልኣ ሚጛር ዎ̈ሲ̈ሬ።

ኢናፖ ዎይን ጌ̈ሻ̇ ኣያ̇ናባራ ኩሚዴ፤ ጌ̈ሻ̇ ኣያ̇ና̈ዲ ኢንቲ̇ ሶ̈ላምፔ̈ን ኢንታ̇ብ ኢሚ̇ኖንዲፌ̈ኒ ዱማ ዱማ ኖ̈ናባር ሶ̈ሊ ኤ̈̇ዴ።

ኢንቲ̇ ቆፓካይዶ̈ን ጴች ዉርጊ ጊርቂዛ̈ዲፌ̈ን ጊርሲ ኣፋፖ̇ ዬ̈ሪ ኢንቲ̇ ዎ ኬ̈ምባር ኩሚዴ። ታማ ላ ማይጺዝባዝ ኢንታ̇ብ ቤንቲ̇ዴ፤ ዪና̇ ታማ ላ ማይጻዚን ፋጊንታ̇ ፋጊንታ̇ር ዎይን ጋልዳ ሉካ̇ር ሶ̈ባዴ። ኢናፖ ዎይን ጌ̈ሻ̇ ኣያ̇ናባራ ኩሚዴ፤ ጌ̈ሻ̇ ኣያ̇ና̈ዲ ኢንቲ̇ ሶ̈ላምፔ̈ን ኢንታ̇ብ ኢሚ̇ኖንዲፌ̈ኒ ዱማ ዱማ ኖ̈ናባር ሶ̈ሊ ኤ̈̇ዴ።

ዎይ ጋላስ ጾ̈ሳ̇̇ ኬ̈ ጋርታ̇ ዎልኣ ፔታ̇ን ሺ̈ቂ̈ሬ፥ ማ ፌ ኣ̈ላሬ ፊ̈ሽ ሙይርዶር ኡፋይሳ̇ባርኬ ኮሽ ቡ̈ዳባራ ዎልኣ ሙይሬ፤ ጾ̈ሳ̇̇̈ዳር ጋላቲ̈ሬ፤ ኣሲ ዎይ ኢንታ ቦንቺ̈ሬ፤ ማ ጎዳ̈ዲ ኢያ ኣማ̇ኒዝ ኣሳን ዎይ ጋላስ ኢንታ̇ ጋልዳ ጉጂ̇̈ሬ።

“ ‘ጊዳን ዉርሲ ቃምባራ፥ ታ̈ኒ ታ ኣያ̇ና ኣስ ዎይ ጋልዳ ሶ̈ቢሳንዳ፤ ዪንታ̇ ናኣን ኣቲናንኬ ማጫ̇ ናኣን ካያ ካ̈ዪዝዳ፤ ኤርዳንሬ ሳጻ ቤቂ̇ዝዳ፤ ጪጛሻንሬ ኣይባ ቤቂ̇ዝዳ።

ኣማ̇ኒኖ ኣሳን ዎይ ዎልኣ ፔታ̇ን ማ̈ቃ̇ር ዶኢዴ፤ ፌ̈ብ ዎ ባዝ ዎይ ዎልኣ ፔታ̇ን ማሂዴ። ፌ ሳ̈ዚንዲክ ፌ̈ብ ዎ ቆሊንንስ ጋርታ̇ፖ̇ ዎ̈ጚሙታ̇ ፔቲ̇ ኣሳብ ቆሚ̇ን ቆሚ̇ን ኢንታ̇ብ ኮሻ̇ዚንዲፌ̈ኒ ኢሚ̇̈ዴ።

ጎዳ ሱምን ጼይጊዝ ኣሲ ዎይ ፋጺ̈ሬ’ ጌይሬ።

ጎዳ ዬ̈ዝ ጴችኬ ጋራ̇ምሳዝ ቃሚ̇ን ዬላናፖ̇ ቲ̈ን፥ ኣዋ̈ፊን ̈ማ̇̈ሬ፤ ኣጋኒንዳር ዞቃ̇ር ሱ̈ ማይጻ̈ሬ።