Popular Bible Verses from Yowano 5

শেয়ার

Mwa shikuma nikwamba kukwenu ngayi, ou nimwendi ukuyuvwa mazu wami na kukulupila ou wantumine, uli na wumi wa mwaya myaka. Kuyatiwa wufwako, ngoboni unafumu ku kufwa unezi ku wumi.”

Oho Yeshu amumonene walimukile ngayi walanganine kuyo shikati shashitali, pe wambile kukwendi ngayi, “Ukushinga kunyongomana ndi?”

Enu mu kushingishisha byatikitiwile, ndaba mu kuhanganika ngayi mumwabyo mu kuwanamo wumi wa mwaya myaka. Kami ebye byatikitiwa bikupaka byami! Ngoboni enu munakana kwiza kukwami ngayi mwikale na wumi.

Yeshu wambile kukwendi ngayi, “Katuka ushimbe wulili wobe, wende.” Hohobene uya muntu wanyongomanine, washimbile wulili wendi, pe wendele. Shuma eshe shatendiwile ha Mutena Wakukatala.

Yeshu wambile kukwabo ngayi, “Mwa shikuma nikwamba kukwenu ngayi, Mwana kutwesha kutenda shuma shimo ninkayendi wufwako, ngoboni watendanga tuhu ebye aku mona Tatiyendi hatenda, ndaba ebye akutenda nimwabyo nibyo kami Mwana akutenda.