Popular Bible Verses from Mapookyony 22

শেয়ার

Abrahamu kavaanga ando alya Yehova-yire, ni shaasa vandu vaamba fika inu, “Yoo ifumbuny lya Nndumi Iruva lusheonisaa.”

Kammbia, “Ipoo mwana wafo, mwana wafo wa ngitany Isaki kunkundye, kweende fika urukeeny lwa Moria, kundenningya-fo kiraso kya ikora na muro yoo uwe ya ifumbu nshekooraa.”

Kaamba, “Kulaoroye mwana woko lwafo-fo, nta kulampaani; mashika ulaalu shammanya kwiirikye Iruva, kwanra kulashiima mwana yeto wafo, mwana wafo wa ngitany.”

Abrahamu kammbia, “Iruva ashekuwonisyaa muni ngurana ya kiraso, mwanakwa.” Naasa vakaengera yeenda woose ve vavii.

Ikuvikya mbora nshekuvikya, na ikufumbuta nshekufumbutaa, ufyari lwafo luve sha nyinyiri ta nginii-u, na lyingyi sha nsanga wa mbai ya nruva; na ufyari lwafo vashevingaa vakiduva vafo. Na yoo kwafo ng'u ngyufyari toose ta ulana tishevikywa mbora; mashika elyi kuleirikya unyanga lwakwa.

Naasa kyikava numa ya mbony yeto Iruva kaesa Abrahamu, kammbia, “Yewe Abrahamu,” Nawe kammbia, “Akau shikee yaa.”

Naasa nsu wa Nndumi Iruva kammbaanga auka iruveeu kaamba, “Abrahamu! Abrahamu!” Nawe kaamba, “Ekau yeny.”

Nsu wa Nndumi Iruva kavaanga Abrahamu lya kavii kuuka iruveeu. Kaamba, “Shalya mboo yeny shimuni, yeny Nndumi Iruva, mashika elyi kwatana indo, nta kulashiimi mwana wafo, mwana-fo wa ngitany.”

Vakakooya ando alya alevio ni Iruva, Abrahamu katannya-u kitara kyerasya, kadeesya-u ngwi, kafinga Isaki mwana ulya wakwe, kantuula yoo kitareny, kyerasya, yoo uwe ya ngwi tilya.