Popular Bible Verses from Mapookyony 17

শেয়ার

Kyeeri Abramu ekee nndu wa myaaka makumi kyeenda na kyeenda, Nndumi Iruva kasheya Abramu kammbia, “Yeny ni Iruva Muni finya shoose; salala mbee yakwa kuve nsongovisi.

Nta irina lyafo nkushevaangwaa-se Abramu-fo, kyaindi ulaalu irina lyafo ni Abrahamu, mashika shankuvika kuve nde wa masanga meengyi.

“Kyaasa kyakwa na yewe shikivangisaa, na ufyari lwafo lwa numa na vana vawo, kive kyaasa kya llung'anu, sheelyi mmbo shikee Iruva wafo na wa ufyari lwafo lwa numa.

“Yeny shammbika kyaasa kyakwa na yewe, neewe kushevaa nde wa ngyufyari shiingyi!

Iruva kaamba, “Nshi indo-fo, lyo Sara nka wafo ashekwiiryaa mwana wa womi, na irina lyakwe kushemmbangaa Isaki. Neeny yoo kwakwa nshekaarisya-u kyaasa kyakwe kive kyaasa kya llung'anu kimaruma kya ufyari lwakwe lwa numa yakwe.

Neeny nshekuningaa yewe na ufyari lwafo uruka elu kukee-fo ulaalu, uruka loose lwa Kanaani, luve ushilyi lwany llung'anu, neeny nshevaa Iruva waawo”.

Naasa Abrahamu kawa si kifulufulu kaseka efo nriminy, kaamba, “A ndesa, kwa nndu wa myaaka iyana awonikaa-fo mwana? Nawe Sara akee wa myaaka makumi kyeenda ashiraa mwana?”

Iruva kavia Abrahamu, “Nawe Sarai nka wafo nkushekimmbaangaa Sarai-fo, mashika irina lyakwe lyishevaa Sara.

Mmbo musherinwaa, murumbwe ishong'u lya kimaama na kindo ekyo mmbo kishevaa wende lwa kyaasa kyakwa neeni.

Kyeendi lyo kyaasa kyakwa mmbo nshekikaarisyaa yoo kwa Isaki da, yeto Sara ashekwiiryaa kyeeri sheekyi mwaka ushaa.”

Mwana wa kyuumi wa mikonu nyanya kwany narinwa wo nndu nndumi efo ngyufyariny tany, yeto awonikkye kwany, neeto akee muure na fesa tafo na yeto moose akee muny nalakee wa ufyari lwafo. Mwana mmbee kyeny kwafo, neeto akee muure na fesa kuti narinwa, na kyaasa kyakwa kishekaa mwiliny wany, kive kyaasa kya llung'anu.