Popular Bible Verses from Miqueas 4

শেয়ার

Be'nn yell ka' yela llzenay ake' ke dios ke ake' ka', axha neto' ke chnare wzenayto ke Xanto Diozen.

Be'nn zan be'nn yell ka' yela ne' ake': Leda, nench'na chepllo raw ya' ke Xanllon, gan zu yodao ke Dios ke Jacoben, nench'na le'e wruere'e lliw kan nak lloa xtillen, na gak tallo' raw xnezen. Le gan nzi Sión'na lloj yel llroellsede ke Xanllon, na Jerusalén'na yed lloa xtillen.

Lla ka' zeza willjwani, kwe'lla yodao ke Xanllon dan lli raw yan. Na len gaken ya' da zerawze nak sib, na gaktellen da sib kerke ye to ya' yubre. Yoyte be'nn sjalla latj yell-liw ka' lljaran' aken.

Xanllon gune yel korchis ke latj yell-liw ka' yela, na yewe'e xneze dan llakdil aken, rente yell ka' sjalla zit kwis. Na wason ake' spad, na lans ke ake' ka', nench'na wayaken xchinlas ake' da gunlen ake' llin lixe, na ni to yell ka' bill gakdilren loellj ake', lekse ka' bill wroe akre le ake' akre ke gun ake' chej ake' raw wdil.