Popular Bible Verses from Matiye 19

শেয়ার

Gaa Iisa elelɗiy ƴoy. Gaa beneyyiyyoo gaa: «Giimi gederree ɗa ta kaw oko keeke, Mella soopa gederree oko latta paratti.»

Ay goŋŋa appe gu alɗo ɗa payya seera, guta deero pe zii kaƴi ka. Ga gimu pa ayya ipira ɗa maa ga Mella onokke.»

Gaa Iisa pa tiiliyyoo gaa: «Kitamniti Mellayi gee: “Min diilití dunuuniti ga Mella kilgiyiy giimi, miiɗi o daate.” Gaa Mella beneyyiɗe payya gaa: “Ay ɗakko appe ga miiɗi asiɗo ooma min girco tatti ma yaati, gaa deeɗo nunta ma daatti. Gaa serco appe gu deeɗo pe zii kaƴi ka.” Ku garkiyiy ɗa aɗe beneyyiŋgee ku Kitamniti kooko e?

Gaa beneyyiyyoo gaa: «Duwaaniyo oko miico gu asiyyaw. Aɗaaniyo toɗɗa ɗa asan gi mulunniti Mellayi ay oko giimi ma ay aleŋ guta.»

Maani min oko giimi ku haŋka kooko ma ay ku omma akka dee ku sulaayi o ku sulaayi akka dee ku omma.»

Kulla gimu aɗe ma capakkayo oko gerratee, oko seneetee ku miɗitta o ku daatta, o oko tatti o oko yaati, o oko rontee o oko gannatee saanantu oko naa, akka gassa miyatiŋ ƴiila o ga gasakka hayaatane ma gakamma ɗa ta kaw.

Gaa Iisa tiiliyyee gaa: «Kii aŋka ki deeɗo gimu maa ga lekka ɗa ya maatiki ma koyowwiyee, ki addo ki deeɗiko giɗa lawcam paracco, kii biriyyooga gurus kaaka oko giimi ku saamo. Goŋŋa ga Mella beram ayaawi gonek samaani. Kii yookiɗo ki asinno jobba.»

Gaa Iisa pa tiiliyyee gaa: «Ayme ki enewɗino ma ka samaane? Kaƴi ka ma leewa ka samaane, gata pa ay Mella kayti ka. Kii aŋka ki gassicca hayaatane ma gakamma ɗa ta kaw, ki jobbiy hukumnigee.»

Na gayaatoŋ payya: Oko lukumi gi raɗɗee ta tirta ga ɗaamiɗo ma buuliti ƴibirri. Oko ayaawayi soopa gi raɗɗe payya ƴiila ga un̰n̰iɗo mulunniti Mellayi.»

A oko keeke pa, na beneyyatoŋ: Gaa miiɗi cappiti oko daatti o gi esekke ɗa miiɗi, gaa icciɗe kaƴi, ga gata kaaka un̰n̰e daatti.»

Gaa Iisa beneyyiyyoo oko jobookeetee gaa: «Na beneyyatoŋca seene, ayaawa gi raɗɗee ta tirta ga un̰n̰iɗo mulunniti Mellayi.